2016年11月21日 星期一

貪得無厭 馬不停蹄

前文提到,使用賭馬app之後,賽馬日的時間和空間大大自由了。Blog友“快餐人”作了一個很精警的歸納,他認為,“時間自由”有兩個重點:一是“工時”越短越好;二是“工時”可以自由分配的程度。作為一個對懶惰追求貪得無厭的懶人,池某對第一點尚嫌不足,池某認為,“工時”不但越短越好,且工作越輕鬆越好。

這是因為對於有deadline的工作,雖然可以推遲開工時間來縮短“工時”,但這並不能減少工作量,只是將整個工作程序壓縮在短時間內完成罷了。所付出的精神、心思和努力不但沒有減少,反而因要高度集中處理而壓力陡增,或因時間緊迫而手忙腳亂。在這種情況下,“工時”雖短,工作質量則甚差。

下注問題,就是這樣一個兩難局面,一方面需要以最update的賠率計算注碼,一方面需要在截止投注前完成下注。由擷取即時賠率,到計算注碼,再到把注碼輸入“投注區”,要在以秒為單位的時間內完成,買幾注“獨贏”倒不成問題,動輒就二、三十注的“連贏”,就非人手所能應付。要突破人力的限制,就要把“工業革命”延伸至下注部份,實現機械化、自動化。

再找IT人商量,有了之前的默契,這次兩三句話就交代清楚了。同樣,先協調一個格式,池某做注碼計算部份,按這個格式output;IT人則按這個格式input,做自動下注部份。下午的決定,晚上就各自完成自己的部份,再合二為一,天衣無縫,一撳掣,要下注的組合和注碼就自動“泵”入投注區。爽!

既然“連贏”可以自動化,如果可以把“孖寶半全膽”也自動化豈不更爽?馬會有時一天開三口“孖膽”,一注一注地“填飛”,每次都要花幾分鐘,累計下來就是不少的“工時”和不小的“工作量”。

不過,池某也知道這次是給IT人出了一個難題,馬會網站的“投注區”,買“連贏”一次最多可以輸入30條“飛”,大多數場合都夠用;但買“孖膽”一次最多只可以輸入18條“飛”,如果不能把一些注項自動group埋在同一條“飛”,很難解決一次買二、三十注的問題。



結果呢,IT人把這些問題都一一解決了,池某此前使用了8年的“孖膽”程式也可以宣佈“榮休”了。70兄後曾說IT人的角色是“工匠”,池某不同意,正因為此。如果是像公司裡踢幾踢郁一郁、交來的貨色比起要求還大打折扣的IT部門,稱之為“工匠”也太抬舉了,但有思想的IT人絕非“工匠”咁簡單。

池某曾取笑“財自派”不斷犠牲已擁有的自由去追求所謂的財務自由,本末倒置,現在反看自己這段時間的所為,似乎也是在做同樣的事,說是追求懶惰,卻在不斷折騰自己也折騰別人,最大的收獲,不過是攻克一個難題或完成一件事情的滿足感。然後又找新的難題,繼續自虐。

111 則留言:

  1. "最大的收獲,不過是攻克一個難題或完成一件事情的滿足感。然後又找新的難題,繼續自虐。" 真正的"財自>"不是擁有多少,而是有冇時間去做自己鐘意做的事.

    回覆刪除
    回覆
    1. 点样先可以联系到你?

      刪除
    2. 想平时问你要贴士跟你搵食。

      刪除
    3. 不可能跟到。開跑前賠率瞬息萬變,連池某自己也不知道會買邊隻。

      刪除
    4. 你邮件几多?加你微信

      刪除
    5. https://poolshunter.blogspot.com/2017/12/blog-post.html

      刪除
  2. 財自方程式=不斷SM自己同他人XD

    回覆刪除
    回覆
    1. 係喎,一句話就可以講完的道理,寫咁鬼長做乜?:)

      刪除
  3. //孖膽自動group飛
    小弟之前有研究過點樣用最少飛數買到要買既注項 但諗唔到解決方法
    例如 0:1#0:1/0:0#0:0 同 1:0#1:0/0:0#0:0 可以group埋一條
    但多左 0:1#1:1/0:0#0:0 又唔可以擺埋落去
    可能有d常見組合可以group 但要做到it人兄個效果好似好難

    回覆刪除
    回覆
    1. 佢用substitution大法,池某睇到眼花繚亂,都係唔明。

      刪除
  4. 突然想起之前新聞講英國退休個數學教師

    回覆刪除
  5. 近排先睇到池兄個BLOG 差唔多篇篇文章都睇晒 真係學到好多嘢 勝讀十年書 由於同自己一直以來嘅理念好大出入 所以有少少問題想請教下池兄 還望池兄抽空解答
    1 池兄認為有冇人真係可以長期賭馬或賭波贏錢 (非池兄所用的買法, 真係買中邊隻馬或邊隊波贏)
    2 賭馬出現既綠格啡格, 係咪多數都係程式盤(池兄方法)
    3 Kelly formula只係對池兄所用既方法有用, 如果正常賭馬或賭波, 就唔需要用到Kelly formula計注碼

    多謝池兄解答

    回覆刪除
    回覆
    1. 1.長期賭馬贏錢的人當然有啦,William Benter、Alan Woods、顧鳴高等等都是活生生的例子。不過據了解他們所用的方法都是通過全面的概率計算,而不是以平注去猜中頭馬。至於是否有人有本事以平注估中頭馬又能長線獲利,池某無法回答。多年前池某留意一份報紙馬經,曾對每個專欄馬評家的tips作統計,到季尾算帳,有盈利的只得一人,利潤僅是區區幾十元,這大概反映了以平注估中某隻馬而能盈利之難。

      2.未必呢,大冷馬馬主自己捧下場,都可以變綠格。

      3.視乎你認為怎樣才是「正常賭馬」啦,池某認為用Kelly才是正常。哈哈。

      刪除
    2. 純屬好奇一問。

      換個思路,有無可能從錯價分佈中,大概推測啡綠格的出現率,從而減低啡綠格對最終結果的影響呢?

      快餐人上

      刪除
    3. 如果是想減低啡綠格對注碼的影響,不必靠估,做個combined model,經regression搵一個coefficient乘落即時賠率就得,好似隻「經典帝國」,由31倍落到12倍,對注碼雖有影響,也不至於從有到無。至於對回報額的影響,就無能為力了。

      刪除
    4. 多謝池兄解答
      有時真係好懊惱, 好似你講隻「經典帝國」, 31倍落到12倍, 咁就一放到底贏馬, 池兄覺得咁樣純粹隻馬臨場賠率偏冷, 落到12倍只係回到較正常水平, 定係有大戶真係未卜先知 ?
      另外, 細佬我係專買位置既, 粗略純計過, 如果買100隻(平均2倍到), 都有55%機會命中, 咁樣又代唔代表EXPECTED RETURN係正數, 可以KEEP住呢個方向玩落去?
      如果可以既話, 咁係咪就應該用KELLY FORMULA 用本金既10%長玩落去???

      刪除
    5. 未必係未卜先知,計數都係殊途同歸,唔會差好遠。
      買位置問題,有2倍又有55%命中,如果好肯定長期穩定有這樣的表現,此法是可行的。

      刪除
  6. 呢D程式工程好玩,攻克難題嘅滿足感甚至大於賺錢嘅滿足感!

    回覆刪除
    回覆
    1. 師弟你太耐冇出文了,滿足感有否降低?呵呵。

      刪除
    2. 呵呵!忙於學習解難技巧嘛......

      刪除
  7. 佢地為左財自而連短暫自由都無埋, 去到七老八十就一堆自由, 又有咩用.

    池兄攪埋自動落注, 勁呀!

    回覆刪除
    回覆
    1. 池某呢次做左「君子」--動口不動手,所以不算是池某搞的。

      刪除
  8. 池兄個自動落注不得了...

    回覆刪除
    回覆
    1. 哈哈。池某只係「伸手」拎來用。

      刪除
    2. hi michael pls check email :)

      刪除
    3. “池某只係「伸手」拎來用”

      池兄太謙虛了,你咁都叫伸手,我呢哋豈不是伸手又伸腳xd

      刪除
    4. //哈哈。池某只係「伸手」拎來用。

      池兄連手機APP都可自動落注?

      刪除
    5. 手機APP未做到自動落注。其實都有可能做到,要問問IT人先。

      刪除
    6. 回Cherry:
      伸一腳唔緊要,唔好兩腳一伸就得。:)

      刪除
    7. 馬會app冇公開api
      充其量可以用網頁版下注
      小弟番去又玩下先

      刪除
    8. 是的,網頁版留下了空間。

      刪除
  9. blog 界真係奇人輩出...連自動化買馬都俾池兄搞掂...請收下小弟雙膝吧!!

    回覆刪除
  10. 池兄和IT朋友也很利害,是全自動落盤還是自動填哂form再手動提交?

    回覆刪除
    回覆
    1. 「加入注項」到投注區?自動的。
      我地只保留左最後「傳送注項」嗰下用人手,以便對一對注數同銀碼是否正確,確保唔會扣多左錢。

      刪除
  11. 一次最多買20注吧。
    池兄落一場盤花幾耐呢?

    回覆刪除
    回覆
    1. 20注兩三秒左右就OK,視乎有幾多張「飛」同CPU速度,用老爺機要run多兩三秒。

      刪除
    2. 另,20注連贏會快過20注孖膽,連贏需要控制的clicks少好多。

      刪除
  12. 池兄下一個難題應該係點樣自動係馬會戶口提錢。

    回覆刪除
    回覆
    1. 呢樣唔難。最難係將別人戶口的錢轉入自己戶口。XD

      刪除
  13. 回覆
    1. 我地行外人睇確係鬼斧神工,可能對IT行內人來講唔係太難。

      刪除
  14. 池先生這個馬會戶口自動增值程式還真的是強大到難以想像。在這裏看着池先生的分享,由統計賭馬到遙控賭馬再到自動賭馬,感覺就像在看着一次賭馬革命的發展似的。

    另,程式方面好像很艱深,所以在下好奇問一下,那個孖膽三十注,如果前十五注和後十五注分開兩次來輸入,可以嗎?

    再,既然自由就是空出時間來做自己想做的事,財務自由就是在賺到足夠的錢並空出時間來做自己想做的事,那麼如池先生這樣「想做的事」其實就包括「賺錢高效化」的情況,其實好像從一開始就是很自由地一邊享受一邊數錢了呢。

    最後,在正文中被提到,有種被推上報的感覺呢,嘻。

    快餐人上

    回覆刪除
    回覆
    1. //前十五注和後十五注分開兩次來輸入
      可以的,不過分開做相對地自動化程度就降低了。

      //上報的感覺
      這種感覺有人很渴求,有人很抗拒,池某屬於後者。快餐人兄反正不是用真名,希望不要介意。

      刪除
    2. //不過分開做相對地自動化程度就降低了。
      精益求精,不愧是池先生。

      //希望不要介意。
      那麼在下應該屬於前者,上報很開心,有得上梗係要上,絕對不會介意的。

      快餐人上

      刪除
    3. 哈哈。可惜池某已離開報館多年,未能讓快餐人兄體驗下「真上報」。

      刪除
  15. 容我多口問句.各位師兄的MLR 模型共有多少有效參數.
    小弟的模型只有11個有效的參數,BACKTEST 結果一半半.
    一個有優勢的模型要多少參數才合理???

    回覆刪除
    回覆
    1. 池某個model高峰時有50幾個factors,後來發現有啲factors雖然睇統計指標頗significant,但risk ratio都好高,比較容易受random變化的影響,現在刪剩30幾個。
      MLR用最新的parameter做backtest都係天下無敵,實際落場要打啲折扣,故保持穩定很重要。

      刪除
    2. 池兄你的factor是從不同舊的factor合併出來,還時新發現的factor.

      刪除
    3. factor間的相關性大大影響我增加factor的難度....池兄是如何解決這問題?

      刪除
    4. 從舊factor合併出來的成功率很低,因為有相關性問題,拓闊database找新的是正路。

      刪除
    5. 經過一整天苦戰...找到多一個有效參數. "拓闊database"諗爆頭都想不到. 我只想到把不同舊的factor,但最後原來行了掘頭路.

      刪除
    6. 搵有效參數真係粒柆皆辛苦。

      刪除
    7. 池兄我看你先前講過,//對於沒那麼significant的coeff池某不會立即刪掉,會觀察一段時間,如果任由數據變化都沒起色就刪。//
      有個情況如significant去到0.3-0.5,但增減數據後,significant同parameter變化不大,代表這facotr比較穩定值得保留??

      刪除
    8. 池某還會看Chi-Square和risk ratio,若risk ratio太大即刪,Chi-Square太細的話留不留都沒什麼影響。

      刪除
    9. 多謝池兄解答!..risk ratio是否等於odds ratio???

      刪除
    10. 池兄能講講HAZARD RATIO的詳情嗎? 正在思考一個客觀取捨參數的標準,請池兄多多指教

      刪除
    11. 即係Parameter Estimate既natural exponential.

      刪除
    12. YU兄...在SPSS中是Parameter Estimate的EXP(B);
      池兄...感謝你又上一課...

      刪除
    13. 言重了。池某也不肯定這是否正確的做法,只是試過比較之下這樣做效果相對穩定。

      刪除
    14. 即Parameter Estimate的EXP(B)太大即刪? 咁咪所有負面的因素都唔會被刪走?

      刪除
    15. 一般來說,較受random因素影響的factor才會出現risk ratio特別大的情況。

      刪除
    16. RISK RATIO係SPSS中的Parameter Estimate的EXP(B)??RISK RATIO係如何計算?

      刪除
    17. risk ratio 是 odds ratio的倒數. 而odds ratio在spss中顯示為exp(b).
      peter

      刪除
    18. 池兄&YU兄想問問你們用什麼FACTOR計算近績???

      刪除
    19. 池兄係用constant去表示名次還是用其他方法計算例如時間.....

      刪除
    20. 就是以跑第幾名為主,其他作補充或輔助。

      刪除
    21. 謝池兄解答...我要動動腦袋,研究怎把名次放進model內.

      刪除
    22. 不同的model可能要做不同的數字轉化,logit model嘛,在所難免。

      刪除
    23. 池兄,please check email!
      peter

      刪除
  16. 池兄, 你呢個野搞定左, 應該同以前計掂一條好難既數, 有同樣快感?

    回覆刪除
    回覆
    1. 哈哈。唔一樣的,計掂數係一種圓滿的痛快,自動化係成功控制電腦同頁面,感覺處於支配地位的快感。

      刪除
    2. 計數大多係學步於後 有答案參考
      而自動落注好大機會係由零開始 前無古人
      比計數更高層次

      刪除
    3. 圓滿的痛快 ← 員工級痛快
      處於支配地位的快感 ← 老闆級快感
      可以這樣理解嗎?

      快餐人上

      刪除
    4. 未至於前無古人咁誇張,自動化都係programming問題o者,不能說層次更高。
      員工級、老闆級之說。應該說一種是自我修煉的圓滿,一種是操控欲的滿足,如此說來池某較享受員工級。呵呵。

      刪除
  17. 池兄,自早前遇見貴網誌後獲益不淺,見閣下投注亦全電腦化後,小弟亦有意仿效,唯有些許IT方面想請教池兄的'IT人'朋友,未知可否幫忙轉達小弟的問題給'IT人'? 或問問他方不方便給email address,讓小弟直接請教'IT人'呢? 謝謝!

    回覆刪除
    回覆
    1. IT人會看到這個留言的,他是否肯蒲頭還是繼續做隱士就看他自己的意願了。他全副精力在股票方面,對波馬興趣不是很大。早前池某向他求助時他很霸氣地覆了一句,「見係你咋,比着第個,畀錢都費事徙呢啲時間」。

      刪除
    2. 好的,謝謝池兄這麼快回覆!
      其實小弟的問題是這樣的:
      小弟比較熟C#,用C#可以寫到「自動下注」的功能嗎?池兄說,一撳掣,要下注的組合和注碼就自動“泵”入投注區。如果用HttpClient或HttpWebRequest類別中的POST方法把投注組合和金額傳輸到馬會網頁的「投注區」,這樣可行嗎?還是要通過API來實現此效果?馬會有提供API嗎?望能提示一下方向! 謝謝!

      刪除
  18. 【只答一次】馬會當然沒有 API 給公眾使用。直接用 Chrome 或 Firefox 的 plug-in iMacro 吧(要自己摸索下,唔係咁直接可以用到)。用到再試 C# 能否做到相同工作,不過難度應該極高。
    IT人

    回覆刪除
  19. 16/137 MK6 1+2+3+4+7+10 33 1st prize dividend $2,815,140
    笑死人咩

    回覆刪除
  20. 謝謝IT人破例賜教!小弟會多下苦功!
    謝謝池兄!

    回覆刪除
    回覆
    1. 唔使多謝池某。你地講果堆terms池某冇個識。呵呵。

      刪除
  21. Blog主 我係賭馬新手,我只係留意臨開跑前個一分鍾既投注額有冇異動,但馬會網,app都冇 下下要睇電視先知,請問你知唔知有冇其他途徑可以搵到,唔該

    回覆刪除
    回覆
    1. 而電視多數快過xml
      諗緊有冇方法用類似ocr既方法擷取電視機畫面

      刪除
    2. 池某賭馬唔睇馬,好少對住部電視,蝕底晒添。:)

      刪除
    3. 賺了生活上的時間 又點會蝕底wor

      刪除
    4. 呵呵。池某貪圖享樂,不如peter兄那樣精益求精。

      刪除
    5. 小學而大遺者也
      大多都是鑽牛角尖
      真正有用的部分卻miss掉了

      刪除
    6. 下?享樂係miss左既部份?

      刪除
    7. 唔係啦 我講緊我個model

      刪除
    8. 想睇live投注額變動...上google找 賽馬發發,(免費 download)...

      刪除
    9. 賽馬發發咪又係響馬會xml拎data, 一樣比現場慢

      刪除
    10. 我睇過一篇文章, 以更新最快的馬場電算機為準, 顯示出黎嘅賠率已經係30秒前嘅事, 所以作用大唔大各位自己衡量。 不過已知道的係用顏色卡投注區通常比普通果個投注區更新得快

      刪除
    11. 睇到同用到、計到、落到注是兩回事呢,幾秒鐘的時間差距可以做到的很有限。

      刪除
  22. 小弟不才,為何落飛黨要最後一刻先把注碼打落彩池?
    怕人分薄利潤嗎?

    回覆刪除
    回覆
    1. 唔係。要睇住個賠率計注碼比例,賠率變注碼要變,大家見到筍賠率一齊買就變左啡綠格。

      刪除
  23. 小弟睇完你篇文章後,跟it兄的方法完成了自動下注,睇住d飛自己泵入去真係有說不出的快感
    漫步人

    回覆刪除
    回覆
    1. yes。爽爆。由弓箭到機關槍的飛躍。

      刪除
  24. 池兄沉晚果兩場好易中
    想信今日都數緊錢

    回覆刪除