2018年1月15日 星期一

以一敵四

去年這個時候經常和macaupro兄隔海吹水,聽他細說30年來的賭壇趣事,相當過癮。

其中有一段是他早年和Bill Benter來往的所見所聞,“大約1986年,我到Bill在銅鑼灣的住所,Alan Woods和他同住。Bill向我介紹他的電腦賽馬程式,Bill請了個香港人幫他輸入資料。當時是剛開始用電腦賭馬,試驗階段。大約1989年,他們住在太古城,請了4個菲律賓大學生處理電腦輸入,還有一個香港大學數學教授幫他們研究數學問題。”

根據公開的報道,Bill Benter和Alan Woods是從1986至1987年度馬季開始贏錢的,而且一開始就贏大錢。而從macaupro兄的見聞可看到,他們的研究成功之後,並沒有就此坐享成果而唔do,反而投入更大的財力和人力追逐下去,連處理資料的人手也由一個增加至四個。

今季季初輸錢之後,池某曾大幅刪減model的參數數量(見舊文)。若是在以前,池某絕對不會這樣做,正確地說是不捨得這樣做,因為每一個data的處理、每一個參數的計算,都是耗費無數心力才得來,很難做到話刪就刪那麼瀟灑。

現在回過頭來看,如果當初一直困於原來的想法,只是綁手綁腳地不時作些小修小補而不能大破大立,如今的處境恐怕不敢想像。但敢破敢立是需要底氣的。Model的根本,還是在於data。沒有data,就是無米之炊;有data,才有底氣。

池某當然不可能像Bill Benter那樣請四個人來處理data,但找到一個能以一敵四的好幫手,嚴格來說還不是一個人頂四個人,而是一個程式就勝於四個人。完成這個重任的,毫無疑問就是IT人了。

過去每加一組或改一組data都感無比頭痛,要一個一個頁面copy and paste,再寫code提取自己想要的部份,小小改動就是好幾天腰酸背痛的煎熬,結果卻往往是無功而還,以致很多不甚確定的嘗試,都懶得、也確實沒有足夠的精力去做。

IT人的想法是,只要是重複的、格式劃一的工序,都可以將之自動化,只要是網上存在的data,都可以讓電腦自動提取,不必經人手copy。

實際上還真能做到。例如池某想要過去所有上陣馬的晨操資料,第二天IT人就傳來從蘋果馬網取得的過去三年的所有晨操紀錄,後來池某發現蘋果馬網的晨操數據與馬會的出入很大,IT人很快又傳來一個馬會版本。池某知道蘋果馬網的格式與馬會的截然不同,IT人卻總是可以交來一個池某所要求的格式,真不知道他是怎樣做到的。甚至池某突發奇想,無厘頭地要求一組過去所有上陣馬上一仗賽後報告某些字眼的數據,他亦能輕鬆做到。

如果30年前識打字、識電腦輸入算是一種能力,在30年後的今天,這些還算是有價值的能力嗎?還能像當年受僱於Bill Benter的四名菲律賓大學生那樣未畢業就找到一份“筍工"嗎?答案顯然是否定的。低端的、沒有附加值的所謂能力,機器輕易就可取代,而且能做得更好、更有效率、更準確。那麼,那些開班奴大師們總是洗腦式地叫人安於“能力圈”,是何居心?

383 則留言:

  1. 安於能力圈的好好學生, 當然是他們經常強調的現金流的來源.

    他們如何捨得去關掉自己的水源?

    回覆刪除
    回覆
    1. 梗係啦。若學員的能力有所突破,達到足以捅破大師呃神騙鬼技倆的水平,大師就冇得撈了。要學員安於能力圈是最符合大師利益的。

      刪除
  2. 好奇池兄怎樣與macaupro相識?

    回覆刪除
  3. 池兄試試Python吧,處理數據時會輕鬆很多。

    對啊,時代在進步,不繼續學習只會落後,哪能待在能力圈內呢?是要做自己有把握的事,但同時也要擴展自己的能力圈。

    回覆刪除
    回覆
    1. 師弟你潛修咗咁耐係時候更新下個blog了。XD

      刪除
    2. 哈,其實好耐之前已經刪左個blog,因為對以前d文好唔滿意。以後可能會重新寫blog,到時通知池兄。話說近來在報MPhil。

      刪除
    3. 師弟好學不倦,精神可嘉。

      刪除
    4. 應該心有所屬先去報卦。XD

      刪除
  4. 此終不明白馬會為甚麼不開放數據?

    回覆刪除
    回覆
    1. 開放數據畀公眾又唔會為佢帶來額外投注額, 佢為咩要咁做先?
      大戶嗰啲有專人招呼佢啦 !
      路人甲

      刪除
    2. 專鬥利人毫不利己的事,馬會梗係冇動力去做。

      刪除
    3. 如果我從香港賽馬會復制資料然後公開開放,會否違反香港賽馬會的規例?

      刪除
    4. 呢樣真係唔清楚。不過馬會最有用的資料係即時賠率,複製再開放就唔可能快得過馬會。

      刪除
  5. “低端的、沒有附加值的所謂能力,機器輕易就可取代”

    相信遲哋AI robots也可開班授徒,同真人大師爭飯食呢~

    回覆刪除
    回覆
    1. 其實大師的能力真是在於賣口水,若論投資,不用AI,簡單的機械式盈富基金操作都可以長期跑贏佢地。

      刪除
  6. 期望池兄多寫"賭壇趣事"的文章XD

    回覆刪除
    回覆
    1. 要macaupro兄親身講才吸引,經池某轉一手已失色不少。

      刪除
  7. 真羨慕池兄有像IT人兄一樣的夥伴,有「神」一般的隊友,事半功倍。就算以半自動收集數據,都想死!巧累呀....

    回覆刪除
    回覆
    1. 係呀。自動化慳水慳力。

      刪除
    2. 上淘寶搵人幫手寫好平, 幾舊水咩都得

      刪除
  8. 又八卦想問下,池兄是如何結識IT人呢?

    回覆刪除
    回覆
    1. 池兄有IT人呢個Partner 實在非常幸福!XD

      Dicky

      刪除
    2. 係佢o既不幸,粗重野都係佢做。XD

      刪除
  9. 落飛黨改變了賽馬生態

    今時唔同往日

    回覆刪除
    回覆
    1. 昨晚落飛黨應該冇啖好食,七隻頭馬係回飛贏。

      刪除
  10. 其實可能系而家D人賭馬水準高佐,個個都想睇準D個賠率再投注

    回覆刪除
    回覆
    1. 當大家逼埋最後一分鐘一致行動,賠率又變得唔準了。

      刪除
    2. 池兄, 今天這種情況, 熱透的幾匹熱門跑出, 理論上那些場次應無盈利....其他場次亦多新馬及似是而非....這種賽日的情況下, 今天池兄成績還可以保持嗎?

      刪除
    3. 有呀,今日有盈利。當然,呢種場合係贏唔到大錢的。

      刪除
  11. 今日 加州福星和鴻圖飛星都比啡綠騎劫,彩金唔見左一折。本來有餐晏仔,依家得番柸茶錢。

    Dicky

    回覆刪除
    回覆
    1. 呢兩隻池某都有錢收,鴻圖飛星利潤不俗,加州福星就比啡格搞到得不償失。

      刪除
  12. 對於模型中的不同參數, 如何定義個別參數是否對預測機率有用?
    例如我會利用correlation coefficient初步斷定參數的有效性
    但我不明白的是準則為何 又如我計算風速與步速有0.15的正比關係-->是否代表可以加入模型?

    Thx!

    回覆刪除
    回覆
    1. 這個也是池某頭痛的問題。
      如果想知道參數是否統計有效,可以看chi-square和p-value等指標,但統計有效並不等於對預測有作用,特別是新的數據分佈與原來的database不太一致時,偏差會很大。池某尚未找到很有效的解決之法。

      刪除
    2. p-value固然是好的指標, 但迴歸模型中coefficient與p-value一樣低的時候就代表該參數是無效

      chi-square反而好像較少用, 可能小弟學藝未精...書本上亦沒有教...

      刪除
    3. p-value是可靠些,chi-square太細沒效果,太大會dominated個model。

      刪除
  13. 昨晚谷戰很難玩, 池兄, 各位戰績如何?

    回覆刪除
    回覆
    1. 只中達羅素同金剛仔,回唔到本。好在之前周日大獲全勝,1月份整體回報不俗。

      刪除
    2. 池兄 上周日的確係搵錢日,最正臨尾兩場莫雷拉的馬都有分頭,我兩隻都大注中。XD

      Dicky

      刪除
    3. 池某R1、R3、R5跑第二,其餘七場都中,尾三場雷神都係大注中。

      刪除
  14. 我中人間尋夢、金剛仔 、再石磨藍三隻,成晚拉混都要輸錢。

    Dicky

    回覆刪除
  15. 昨晚只中紫雲星和僥倖 其他都要輸
    華將分餅仔難玩再喊

    回覆刪除
  16. 好奇一問, 池兄既無PROGRAMMING 底, STAT只係101, 如何走到用波馬搵外快既路?

    回覆刪除
    回覆
    1. 最初係玩玩下計波,結果一開始就贏錢,贏得太易,就返唔到轉頭。

      刪除
    2. 哈哈, 睇黎池兄對數學投機法甚有慧根
      我都係STAT101, 但一事無成

      刪除
    3. 開始時先挑戰低難度,容易搵到成功感,冇咁易氣餒。

      刪除
  17. 你好
    池兄曾說 你所有factor都有take log, 但在下處理data時發現, 不是所有都能log後有效, 舉例說有的可能要開方才有效, 池兄所說的全部take log, 以此例子來說, 是否指開方後再take log呢?

    回覆刪除
    回覆
    1. 當然係處理過data之後先take log,唔係直接log raw data.

      刪除
    2. 謝池兄
      在下在這個處理過程遇到問題, 就是直接take log 和處理後(包括開方,倒數,平方之類)再take log, 兩者出來的p-value都是一樣, 所有factor都是如此, 請問是何原因?

      刪除
    3. 咁神奇?池某冇試過先take log後處理,所以答唔到。

      刪除

  18. 是處理後再take log(不管如何處理) 和直接take log 的p value完全一樣

    回覆刪除
    回覆
    1. 呢樣真係冇留意,唔敢亂比意見。

      刪除
  19. 請問如果兩匹獨贏賠率是4.4倍、7.5倍,有沒有優化投注策略可言呢?

    回覆刪除
    回覆
    1. 一般是與expected odds比較計算注碼比例。若很確定頭馬一定是這兩匹的其中一匹,非此即彼,而想獲得固定的收益,就會用Dutching。

      刪除
  20. 池兄你好,本人今年50歲,學歷不高,於2014年開始,在網上拜讀你的文
    章,簡單易用的賭波公式,開始學習使用excel,跟你的方法做了當時每一場足球賠率機率的分析,可惜,命中率.....也開始看你的文章多了,買了很多關於,統計,機率的書看自學,因為池兄的文章開始,我便開始熟習execl用法和公式,2014年那時候,總發現,統計賠率,令我每月都會輸掉我人工可用的所有餘錢,非常心灰意冷,後來我便用池兄的方法,轉使用往績代替賠率數據,及自建一個每一隊球隊往績庫,開始時候,都一樣沒什麼成績,而且也是一個利潤不高的結果投注,(每投注一場足球賽事,都只有20~30%的利潤),命中率也只有七成左右(每星期大約功課結果只有八場/十場賽事可投注),但隨著數據庫的增加,半年後,命中率提高了,我也開始用40%資金投注方式投注(即$100本金就買$40,連本帶利大約$108,下一次投注就用$108的40%..等等)當然不是$100起步,我是用一萬元開始的,隨著贏贏輸輸的幾個月,到現在,用了兩年時間,不去工作,全程投入修改我的數據,今年終於可以呎買了人生第一間屋,雖然只是500呎單位,不是什麼豪宅,但一切起因,都是池兄的文章,令我得到啟發,多謝池兄,希望池兄以後能發表多一些利大眾的好文章....(書到用時方恨少,寄語年青人,讀書好重要,吸收更重要)

    回覆刪除
    回覆
    1. 剛漏了,是fullpay人生第一間,

      刪除
    2. 2014年?當時的文章唔易搵喎,呢個blog 2015年8月先有。

      刪除
    3. 我記得系你之前既網頁、後來轉左過黎呢度、

      刪除
    4. 兄台真係捧場,2014年池某是剛開始寫這類文章,之後全副心思砌賭馬model,還停寫了一段時間。

      刪除
    5. 系.我差不多星期都會黎你度睇既。重睇哂你所有發表既文章,當然有時候系幾個月無睇,^-^你寫的賽馬方法。我不懂。但就你所有文章。都非常有參考價值。

      刪除
    6. 1萬3年上500萬
      厲害厲害

      刪除
    7. 其實我只系小學雞,中三程度,高深理論吾識,分析方法亦都系好簡單,其實系人都識,但系就一定要做到一個自己既數據庫模型,每日都要做好當日賽事既功課,當你有左個模型後,每日都系工作一小時內,就分析好哂,而且同嚴格規定自己資金投資既方式,^-^

      刪除
    8. 世上沒有不勞而獲的事呀

      刪除
    9. 很佩服撒旦皇子兄。 想問做球賽分析時,應該用幾多場往績去計呢?

      KS

      刪除
    10. 我只可以講愈多愈好,但係如果太耐既話會無咩用因為個球隊會轉球員

      刪除
  21. 我系經過Google搜尋,賭波公式 方程式,等字詞找到你文章既,

    回覆刪除
  22. 回覆
    1. 我只幫襯香港馬會,從來無系香港馬會以外投注過,包括外圍都無

      刪除
    2. 我經常覺得要長期戰勝馬會(指故定賠率)是接近不可能的事,原來通過努力一樣可成真,真令人鼓舞。但能做到的人萬中無一,兄台的毅力和勇氣真令人佩服

      刪除
    3. 陌生人兄,可能你系懷擬我系什麼香港買,外國買,做對沖,呢種香港屬於犯法既事,所以利潤咁微,其實我既分析亦都方法好簡單,兩隊球隊既往績,(自建數據庫同分析方法,過程太長盡同痛苦,呢個吾講),就只講我投資方法,,分析完後,我功課系,,主隊一定吾會輸,所以我就會用我可投注金額40%,平均買,主/和..(例$10000,=$4000,.主2.05,和3.2,主買$4000/61%,,和買$4000/39%,咁回報利潤就大約系$4000+25%左右,咁如果有另一次賽事投注,就系$11000起始投資40%,,如此類推,(一星期大約有七八場可以投注),一星期為一次提走利潤,再從新循環,(呢個系而家既循環,以前我系累積一個月先循環)),甘我做分析既功課,除左系買勝/和外,重有分析埋大小,但買既方面.就系,,大+3球,,或小+2球,,投注方式就同上面一樣,,當然重點都系系做功課既分析,

      刪除
    4. 頭先打錯字,系,2球+大/小+3球,,至岩^-^

      刪除
    5. 如果開客勝后又如何應對,強如皇馬巴塞也有可能主埸輸波

      刪除
    6. 我沒有懷疑你,只想增值自己

      刪除
    7. 首先。我不投注個人喜好。 其次皇馬巴塞未必一定係功課分析上一定贏。仲有兩隊球隊好多時賠率太低。又或者大小球中位數太高。我都係唔會買。就好似昨晚 阿甲小農夫比賽 功課分析小農夫小球。大小球賠率太低。小球加3。 只得7%利潤。 所以我情願唔買。 不求刺激。只求收益。 所以係一件好悶嘅事情。

      刪除
    8. 請問撒旦皇子係邊度搵數據?

      刪除
    9. 明白你所講所做,但想知果輸佐(假設10000本金)你余下6000下次是否買2400再輸,再輸再買1440如此類推,直至10000元輸晒就等下星期由一萬從新開始。雖然這樣買法要連輸幾場都好難,但都不是不可能

      刪除
    10. 回覆Owen: 我系系大陸既比分網穩往績數據,馬會既往績太過吾齊,有一場無一場甘,資料點統計都系錯既。你可以自己去比較下.

      刪除
    11. 陌生人:你無講錯,我都試過系甘,輸到喊,呢個亦都系你要做功課,做紀錄做統計,做修改,既重要性,輸左系一個得著黎既,起初數據未齊時我都連輸半年,每個月一出糧扣除所有雜費,可用既現金,三日就輸哂,要白睇廿幾日,做廿幾日功課同修改,但又無得買,只有不斷上網爬文,直到數據比較可靠,呢兩年就系一個月總會輸一場~兩場,穩吾到原因,所以咪一星期循環收穫既方式,咁當然而家新開始投資既金額已經吾系一萬啦,總之大家努力,睇多d池兄既文章內既計算統計思維,真系穫益不少.^-^

      刪除
    12. 明白了,你命中率去到9成幾,其實你用甚麼方法下注都好難輸錢,真的讓人羨慕,多謝耐心回答

      刪除
    13. 陌生人: 你吾好忘記,一星期有幾百場足球賽事,只得十幾場(功課)可以投注,少於15%利潤,不買,古靈精怪大小中位數不買,剩低都系只得七八場可以買,有時候系好悶既,不過每個月都有本金兩三倍利潤,以我年紀,學歷,心足了,而且我只是一個幼兒園級的投注者,池兄及其它師兄才是高手,到此為止,呢度系池兄既blog.

      刪除
    14. 唔使客氣。池某呢度只謝絕tips黨同開班奴。一切有利於大家共同進步的討論、質疑、辯解、糾正,無任歡迎。

      刪除
    15. 哈哈,多謝池兄高抬貴手, 其實我只係喺呢度多謝你。冇打算任何貼士。只係大家純粹研究一下。我都有見到facebook上面好多呃人嘅事。 仲有好多人上當。一千蚊一日賭波賭馬可以贏幾十萬仲使乜買貼士畀你。 但係仲會有人相信呢個世界真係奇怪。

      刪除
    16. 撒兄, 你的利潤點會微呀, 每場平均15%, 每月翻兩三倍
      但利物浦呢啲又會唔會掂? 可以贏完長勝嘅曼城跟手輸返比史雲斯西布朗...

      刪除
    17. 陌生人:點都好。系高手眼中我等同幼兒園。講真。我只系注重數字。利物浦就算贏哂前四。下一場對史雲斯。我都只系分析兩對既往績數據。同兩對如果對賽既話。 將兩對近績嘅攻防數據結合。得出既數字。 如果某一對比另一對有超過三成嘅優勢。 或者大小球嘅入口數量超過三球或者冇入球。 但係如果都冇適合嘅投注。就放棄囉。 所以係好悶㗎唔係場場都有得玩。 英超其實好少㗎。英甲英冠就會有。同埋都系其它國家既賽事。

      刪除
    18. 可惜我讀書少。年紀大。池兄曾介紹既。計得精彩。到而家我都未明哂。只系睇得明一兩成。重有曾經推薦過有link既西人教授講座video。即系系馬會贏賽馬過億果個。重有講義都下載埋。都系重系度邊翻譯邊摸索中。。呢d都系因為睇到池兄既文章先識得去穩黎睇。

      刪除
    19. 看完撤旦皇子兄的經歷,佩服佩服,希望繼續努力。與我比較你年紀不算大,哈哈!

      刪除
    20. 能夠戰勝馬會真係唔簡單

      皇子兄提到「呢兩年就系一個月總會輸一場~兩場,穩吾到原因」
      其實都好正常,無咩原因可言,只能說係機率的問題
      以皇子兄的例子,一買就買「主+和」,另外「少於15%利潤,不買」,咁計落,呢個落注方法至少佔到接近八成的勝率。一月玩約十場黎計,輸一兩場好正常

      小生應該無理解錯掛?

      小生

      刪除
    21. 系一星期投注七八埸,不是一個月。另如八成左右的勝率每場利潤25%也只能補本

      刪除
    22. 撒旦皇子, 可以用你賭波個方式去賭馬, 賭波你係找穩輸的對手場次賭, 賭馬都可以專賭穩輸的場次, 十個賭仔九個輸, 皆因個個都手痕. 而你已經鍊到忍手, 內功已經很勁.

      計得精彩內容是很有啟發, 但越深入了解他的理論, 就會發現越有問題.睇得明只是一個開始. 加油努力.

      刪除
    23. 撒旦皇子 關於買大小球,不明 "2球+大/小+3球". 這代表什麼?

      刪除
    24. 2球+大 or 小+3球 我估係買兩邊套戥

      刪除
    25. 神經漢: 系兩邊都買。平用kelly。就正如我今日買左3x1。頭先既。中岸水手。同埋今晚既。尼奧特。拉科魯尼亞。三場我都系買。小球+3球。3x1有92%利潤。我又吾貪心。只系求穩陣^-^

      刪除
  23. 池兄講番1月28日戰績,R5裕豐泰跑第二,原來池兄也會投注2倍多的大熱門,真令小弟意外

    回覆刪除
    回覆
    1. 不意外啦。神仙那堆1.x倍都有買。

      刪除
    2. 池兄 1.x倍的馬,Kelly叫得買一定係重槌,即使中到利潤都好微薄,如果輸左捐失會好大。是否投注真係兩難,呢D埸合我選擇做觀眾、或者細注買其他馬對賭。

      Dicky

      刪除
    3. 「池兄 1.x倍的馬,Kelly叫得買一定係重槌」

      答案係唔一定, kelly值只係分配注碼的比例, 賠率低kelly值未必一定高。

      刪除
    4. 哈哈。正是。大注細注在於edge不在於賠率。

      刪除
    5. 但1.8倍。。會/0.8

      2%edge都要重鎚了

      刪除
    6. 以奇用兵1.3倍都有買但未重鎚。

      刪除
  24. 如果做回測時發現每場買$100獨贏一個月後贏$700、買$100位置贏$500,哪麼池兄可有建議獨贏及位置投注比例?如果位置買1.4注與獨贏睇齊,是否合理,還是繼續1:1比例呢?

    回覆刪除
    回覆
    1. 這樣的回測並不可靠,因為並不能保證再下一個月的分佈仍是如此。

      刪除
  25. 池師兄:

    想問下如果你買獨贏太冷嘅時候會買番Place補飛(我估你應該會,請指正),會係同獨贏同樣注碼嗎? 還是會比獨贏的注碼大/小?

    回覆刪除
  26. 池兄比較少講股票投資

    有空可否多分享些資產配置的方法

    因記得你說過你最大收入來源應是在股票

    回覆刪除
    回覆
    1. 是的,去年最大收入來源是股票,今年到目前為止仍是。
      股票只係機械式操作,冇乜好講。總之個市越波動越好,每日有一千幾百點上落就最正。

      刪除
    2. 池兄, 可以講多少少股票機械式操作嗎? 謝謝

      刪除
    3. http://poolshunter.blogspot.hk/2015/09/blog-post_4.html

      http://poolshunter.blogspot.hk/2016/08/vs.html

      刪除
    4. 池兄,
      用呢個方法戰績如何?

      刪除
    5. 回報率梗係冇賭馬咁爆,勝在簡單易操作又安全,長期跑贏開班奴大師們幾條街完全沒有難度。當然,個市越波動回報會越好。

      刪除
    6. 好奇一問,假設把這個方法用到價格波動極大的比特幣上,效果又會如何呢?

      快餐人上

      刪除
    7. 如果在下沒有理解錯誤的話,簡化來說應該是以本金的一定比例投資進比特幣去,再依照比特幣的價格波動來買入/賣出以維持比例。

      例如本金$200000港元,在幣價每枚$100000時,以50%本金,即$100000港元買入1枚幣。

      假設兩天後,幣價跌至每枚$80000,組合變動為$100000港元+總值$80000港元的1比特幣。則以$10000港元買入0.125枚比特幣,變成維持50%的$90000港元+總值$90000港元的1.125比特幣。

      再兩天後,幣價升至每枚$120000,組合變動為$90000港元+總值$135000港元的1.125比特幣。則以$22500港元賣出0.1875枚比特幣,變成維持50%的$112500港元+總值$112500港元的0.9375比特幣。

      又再兩天後,幣價跌回每枚$100000,組合變動為$112500港元+總值$93750港元的0.9375比特幣。則以$9375港元買入0.09375枚比特幣,變成維持50%的$103125港元+總值$103125港元的1.03125比特幣。

      理論上是這樣嗎?實際上又會怎樣呢?

      快餐人上

      刪除
    8. 不是的,例子裡50:50這個比例是有條件的。比特幣的情況並不能確定50:50是最優比例。

      刪除
    9. 但是套用「f = p/a – q/b」公式的場合,要先確定盈利概率、虧損概率、淨盈利率以及虧損幅度,幾乎等於要預測未來,條件未免太苛刻。

      然而只是估值的話,「確定」一詞則又流於形式……

      這種情況下尋求最優比例,不是陷入矛盾了嗎?

      快餐人上

      刪除
    10. 所以這種方法只適宜用來做rebalance,但操作對象需要有一個大致可依的reference。

      刪除
    11. 大致明白癥結所在了,謝謝池先生的解答。

      快餐人上

      刪除
    12. 有無買債卷。reits。黃金

      還是只有股票及現金做配置
      年回報能有20%以上嗎

      刪除
    13. 股票+現金
      視乎波幅,去年遠遠唔止20%

      刪除
  27. 池兄,
    想問下有無咩指標可以令量化參數更為準確

    回覆刪除
    回覆
    1. 統計指標只能說明結果是否統計有效,不能改變model的準確度。

      刪除
  28. 池兄 同你拜個早年,祝狗年繼續波馬亨通、豬籠入水!萬事如意、大吉大利!

    Dicky

    回覆刪除
  29. 池生,
    祝你身體健康,事事順利,波馬亨通!!!

    回覆刪除
    回覆
    1. 多謝。
      祝Man兄事事如意,場場勝利。

      刪除
  30. 池兄,
    有無玩開波? 有無咩攻開既彩池

    回覆刪除
    回覆
    1. http://poolshunter.blogspot.hk/2016/06/90000.html

      刪除
  31. 池生
    已經見你好耐無出新文章
    最近好忙?

    回覆刪除
    回覆
    1. 係呀。忙於做開班奴教化骨龍奧數。:)

      刪除
  32. 池兄,
    新年好。祝你事事順意。
    如果將練馬師或騎師成績放入模型,有什麼方法決定放入的場次數目呢?
    比如,葉楚航贏冠軍練馬師,或韋達贏第十三次冠軍,如果拿足一季的資料去train及test模型,得出結果拿到下季實戰,後果堪憂。
    如果設定拿騎練最近的 某個數量的場次,太少會有大幅波動性而無準確性,太多可能又欠缺敏感度....難道真的20,21,22,23....100,101逐個數量試行看效果嗎?
    小蝦米上

    回覆刪除
    回覆
    1. 蝦米兄,新年好。
      處理data時確是有這樣的問題,池某是用過去三季的data,更新幾多場就刪去幾多場。

      刪除
    2. train最舊的record 也要過去3 季的數據
      即要過去6 季data? 對嗎?

      刪除
    3. 3季data,但有個別往績會再前小小。

      刪除
    4. 池兄,
      今晚賽事看似不易小利.....而且二月又過去了, 雷神的這月成績略為回落, 如果拿三季DATA, 雷神回落時, 統計的影響應讓很輕, 唔知有無影響你的MODEL呢? 二月還是保持不俗利潤嗎?

      刪除
    5. 今晚大利,大注中妙感。還有慣性共贏、旅遊皇者。

      刪除
    6. 恭喜恭喜,池兄真強。
      二月成績應跟一月看齊嗎?

      刪除
    7. 二月整體成績很一般,S1係最大敗筆。

      刪除
    8. 如果雷神聽日退休, 你的模型需要增刪因子, 或改前期處理的程序嗎?

      刪除
  33. 趁今天仍是初十,我向池兄拜個年先😃

    祝你一家狗年行大運!波馬股亨通,化骨龍發圍✨⭐️

    回覆刪除
    回覆
    1. 多謝。
      祝春花春風得意,花開富貴。

      刪除
  34. 池吧您好!誤打誤撞入來這裡,網絡世界果然卧虎藏龍!
    小弟平時都會將每次晨操化成EXCEL DATA作參考,不過如何利用DATA才是重點。池兄有電郵可作交流之用嗎?

    回覆刪除
    回覆
    1. 稱呼也打錯 >_<
      請池兄見諒

      刪除
    2. 沒關係,手文之誤可以理解。
      電郵多數唔會覆,真係覆唔到咁多。
      http://poolshunter.blogspot.hk/2017/12/blog-post.html

      刪除
  35. 唔緊要,係度請教一樣。

    其實晨操數據化,最原始都係用統計方法去判斷好與壞。例如A馬房賽後3日復課係正常,超過5日既多數有問題等等。但有D DATA,好似最後試跑,單跳拍跳好具體可以分辨,但快慢個定義點去定?又好似缺課,幾多日為之缺課,賽前幾多日缺課為之有影響等等。所以想請教下池兄點樣將呢D抽象野,做一個客觀既定義。

    回覆刪除
    回覆
    1. 數據的用法不同著重點也不同,傳統的賭法需要以晨操判別好壞,著重點是找特殊性,最好能看到別人看不到之處;統計模型賭馬則要找普遍性,不能把各種條件分得太細,否則不同時段的數據差異會影響模型的穩定性,故統計模型賭馬很難憑數據判別馬的好壞,能反映出一隻馬操唔操得已經很不錯,至於如何判別(即兄台所說的定義),只能根據regression的結果。

      刪除
  36. 遲來的新年祝賀,祝池兄新一年。馬場得意。股運亨通。^-^

    回覆刪除
    回覆
    1. 今日十五,唔算遲。:)
      祝皇子長戰長勝,財源滾滾。

      刪除
  37. 池兄
    會唔會玩賽馬過關,達致刀仔鋸大樹

    回覆刪除
    回覆
    1. 唔會。
      池某用斧頭唔用刀仔。:)

      刪除
  38. 池兄你好。
    初出馬跟有績馬是兩種不同類型。
    如果迴歸式只包含計算 近一場賽績,但初出馬的賽績可說是na值,但迴歸還能做到嗎?

    回覆刪除
    回覆
    1. 可以做。但新馬的結果難免偏差較大。

      刪除
  39. 池兄好
    請問池兄run一次mlr一般要用多久? 我是新手用spss run 2季賽績左右, run 了半個鐘以上都沒有出結果, 有點懷疑是hang機還是電腦慢, 試了不同version都是一樣沒反應

    回覆刪除
    回覆
    1. 視乎把多少工序放在統計軟件做,池某只在統計軟件做regression,不用1秒就run完。
      不過池某所有資料處理都用excel做,要run超過15分鐘。

      刪除
    2. 我用spss匯入excel file, 執行mlr, 結果run 了1個小時後說記憶體不足
      用stata 匯入excel又不能大於40mb.....
      奈何不懂程式語言...沒法用sas...苦惱中...請問池兄有建議嗎?

      刪除
    3. 可以試下將xls轉為csv再匯入,會細好多。

      刪除
    4. 謝池兄
      試試先 個軟件搞唔掂真係一頭煙-_-

      刪除
  40. 21/3 只中R1同R6, 主要被騎練Donminated左一半,唔知池兄同大家果日戰果如何呢?

    回覆刪除
    回覆
    1. 池某都係,贏糖黐豆同靚先生。
      紅旗星將雖中但最後綠格得不償失。
      整體來講贏唔到錢,衰在自由旺同八太子僅敗,呢兩隻是旦贏到一隻都好唔同。

      刪除
    2. 中華寶貝本應計到會買,但最後落飛再更新RUN多次就剔除左,唔係應該都會不輸^_^

      池兄的自由旺同八太子我反而計唔到...
      看來自己粗製濫做的計算還是相差得太遠,仍要繼續改良下去^_^

      感謝分享^_^

      刪除
  41. 請問池兄如果不計合成,你的model大約有多少個有效的獨立factor?

    回覆刪除
    回覆
    1. 可能係零。越有效的factor池某越鐘意分拆再合成。

      刪除
    2. 謝回覆
      池兄可否指點一二何謂分拆?

      刪除
    3. 比如檔位,可以考慮與路程的關係,也可以考慮與跑道的關係。

      刪除
    4. 謝回覆
      不好意思,或許是字面解讀不同,但這不就是合成嗎?
      還是池兄之意是這種做法就是分拆?

      另外,在下最近加多了新的data到database,run出來的結果是chi square比之前大,但r square卻比之前小,理論上不是越多data,此2數字都會越大嗎?
      這情況是否說明新不如舊呢? 求解

      刪除
    5. 是將一個有效因素(如檔位)分開,再與其他條件合成。

      池某是用SAS,沒有理會r square。只知道data多了,有效factor的
      chi square是會變大的。

      刪除
    6. 插口一問
      "可能係零。越有效的factor池某越鐘意分拆再合成。" << 池兄連騎練勝率都分別做合成?

      刪除
  42. 祝池兄復活節快樂
    火星大概有2季資料, chi square大約得八百幾, 想請教以池兄經驗如此數據量咁上下, chi square要幾大先叫比較合理地做到一個不錯的模型?

    另外我的2 step仍然一直是被odds dominate, 賠率參數一直是 -2.5左右, 那理論上另一邊的参數該是正數好還是比賠率參數更負好? 一直搞唔掂 2 step, 請池兄指教

    回覆刪除
    回覆
    1. 兩季資料雖略少,亦應夠砌一個可用的model。除了判斷有效無效的p-value,池某不建議用統計指標判斷一個model有幾勁,對於一堆固定的data,總能做出非常靚的指標,問題是賽馬的data不是固定的,隨著一個一個賽日的賽果不斷更新,新的data分佈可能會與原來的相差很大。所以首要注意的是model對任意data的適用度,而非對過去固定data的解釋度。

      2 step問題:賠率需要還原作馬會抽水前的機率分佈,否則賠率會絕對無敵地的dominate個model。

      刪除
  43. 是阿

    1.就是每次更新都會影響到很多本來有效的factor, 搞到要成日轉factor去fit p-value, 其實火星基本上每埸都會計到熱門有高機率 (以step 1計算), 即使不是最高也常常是第2高, 特別是雷潘2位仁兄的馬,這情況是我的模型不夠準還是正常呢?

    2.還原賠率是否指要先用0.825來除?

    回覆刪除
    回覆
    1. 1.計到熱門普遍高機率係正常。
      2.係要用0.825還原。

      刪除
  44. 忘了多一句
    如果經2 step後的 adj eo = 1(完全dominate), 那是否計錯數?

    回覆刪除
    回覆
    1. 唔係好明條問題。
      2 step應該係出兩個parameter,一個代表1 step model,一個代表公眾賠率。

      刪除
    2. sorry
      講得不清楚
      我意思是2 step後的馬匹機率,如果用1/機率變 adjusted eo, 大熱那匹馬很多時個 adjusted eo 就會變成 1, 然後kelly 就會要買晒該匹馬, 結果就是輸錢......
      所以想問出現這情況是否計算錯誤

      刪除
  45. 之前聽你講過你的step 2 model 的alpha 己比beta 大了
    如果有下注, 即最後step 2 model 的eo 比ro 小, 即step 1 的eo 更小, 因eo經過step 2始終會比ro 拉高了
    有無試過/模擬過只用step 1能否贏錢?

    回覆刪除
    回覆
    1. step 2並不是step 1與賠率的平均,特別是一面倒熱門,未必是「最後step 2 model 的eo 比ro 小, 即step 1 的eo 更小」。
      在現實中,是很難模擬以step 1下注的,因為用step 1開閘前後的注碼差距會非常大,難以作準,只以馬後炮作比較就意義不大了。

      刪除
    2. step 2 雖不是step 1 與賠率的平均, 但是weighted average, 結果不是也應該在兩個數中間嗎?

      刪除
    3. 不完全是。熱的會更熱。

      刪除
    4. "在現實中,是很難模擬以step 1下注的,因為用step 1開閘前後的注碼差距會非常大,難以作準,只以馬後炮作比較就意義不大了。"

      為什麼? step 1 指的是step 2 前的model, 沒有用賠率的那一個model, 開閘前後的注碼應不會受影響

      刪除
    5. 若只用step 1,開閘前啡綠格一來就會亂晒大籠,跟不上RO的變化。

      刪除
    6. 如step 1 的model 已比公眾賠率準 (alpha > beta), 為什麼還要理會啡綠格RO變化?

      刪除
    7. 作者已經移除這則留言。

      刪除
    8. 賠率大幅下降會影響注碼計算,令利潤淢少. 2 stage model可以淢低賠率大幅下降帶來的衝擊

      刪除
    9. 正是。不理會RO變化如何確定注碼?

      刪除
  46. 可能與閣下文章無關,但近日在瀏覽有關孖膽技巧時有幸參閱閣下文章,獲益良多,特此留言感謝

    回覆刪除
    回覆
    1. 說起來真慚愧,六個半小時留這留言時竟敢說自己獲益良多,結果孖膽第一場利華作客開了1:4,意料之外,希望往後還有機會拜讀閣下有關足球的文章.
      有一個問題還望賜覆,為什麼足球全場實力指數需要減去半場指數?

      刪除
    2. 孖膽要計上下半場的機率,若要求不太嚴謹或所買注數不多,將上半場的指數用作下半場使用亦可,但嚴格來說下半場的指數通常是比上半場稍大的。

      刪除
  47. 池兄是否有新馬出賽的赛事都不會投注

    回覆刪除