2016年6月28日 星期二

賭波方程式:90000%回報

看到魔術師師兄抽ibond五日內狂勝362%,真係又眼紅又妒忌。再一看那句“財演大師的口吻”溫馨提示,忍不住笑了。用財演大師的選擇性披露法,五日贏362%算什麼,數小時內贏90000%,也完全沒有難度。

這篇文章本應在英國公投那天寫,無奈當日一切焦點都被公投所轉移,公投以外的話題只能讓路。

英國公投那天,馬會足智彩唯一一條“孖寶半全膽”,加上累積彩金投注額逾百萬元,成了理想的搏殺目標,結果是10元一注每注派彩9071元,回報率超過90000%。


要中這條“孖膽”很難嗎?一點都不難。但除非是一注撞中,否則就要用到財演大師慣用的What You See Is All There Is之法,只show中的那注,把不中的藏起來,才可能達到90000%的回報率。不過,即使是回報率大打折扣,仍然是相當可觀的。

有什麼方法可以“扑中”這條“孖膽”呢?至少有三種不一樣的方法,都能做到很不錯的效果,但都需要一些球賽概率分佈的知識基礎,為免一切從零講起那麼麻煩,就只談現成可用之法吧。

回到“簡單易用的賭波公式”,先進入馬會網站足智資料庫數據中心,將兩場球賽四支隊按主客場copy出各自的往績,再分別提取出各隊上下半場的得失球數字,這時,就有足夠的數據按“簡單易用的賭波公式”之法,計算出兩場球賽上下半場共四組波膽的概率分佈,將這四組概率交叉相乘,就是各注“孖膽”的概率了。



這裡有一點要非常留意,計算一場“膽”時,是上下半場概率相乘,但填飛時並非填上下半場的比分,而且填半全場的比分,所以每乘一個“半全膽”概率時,一定要注意同時將比分相加,例如p(0:1)*p(1:0),半全場比分就是0:1#1:1。

言歸正傳,計算出各注“孖膽”的概率有什麼用呢?六合彩也能把每注概率算出來啦,有屁用。錯了,波馬大彩池不同六合彩,六合彩每一注的概率是一樣的,但波馬彩池不是,若按每注概率高低排列,其分佈圖如中文筆劃的一捺,不需要太多注數,就能覆蓋相對較大的命中機會率。



以“孖膽”彩池來說,正常情況下,一般概率最高的十多注就能覆蓋5%左右的命中機會率,三、四十注就能覆蓋8%至10%,甚至更大的命中機會率。如果要低成本長玩長有,每次買十多注就夠;若想收錢的頻率密一些,每次買三、四十注成本也不算很高。



心水清者看到這裡應該明白了,所謂90000%回報,純粹是標題黨而已。如果每次要買30注,回報率即下降至不到3000%;而且,若30注只能覆蓋10%的命中率,長玩的回報率就要低於300%;加上平時多數沒有累積彩金,通常派彩還要低一截,故實際的回報率更要低得多。

然而,總括來說,這個還算得上是一個可持續發展且有利可圖的彩池。Ibond,一年可以抽幾次?“孖膽”就幾乎天天都有得玩,週轉率更是快到無比,快則兩個小時,遲則一晚,財貨兩訖,可以一轉接一轉地玩下去。更重要的是,每每到了世界盃、歐洲國家盃、美洲國家盃,波迷們盲目捧心頭好的行為,會令投注額暴增,從而帶來額外的Bonus。別說中900倍的派彩,就算是中1000倍,也不太難。



當然,盃賽與聯賽有些不一樣,上述的計算方法需要變通一下才行,至於兩者的差別,之前的文章已經討論過,不重複了。



啊!差點忘記了,答應過Joseph兄晒一晒他的愛隊克羅地亞告別歐洲國家盃之戰:



背景知識

簡單易用的賭波公式

渾水摸魚的大彩池攻略

502 則留言:

  1. 池兄一篇文章便寫得很清楚, 有趣極了. 呵呵. 但平時league, 波迷投注額低很多, 沒有extra bonus呢. 似乎只有大比賽如世界杯, 歐洲杯等戲碼, 更值得試試.

    回覆刪除
    回覆
    1. 但大型比賽, 我差不多是必看的. 買波會影響對愛隊的觀感. 所以也有一些矛盾.

      刪除
    2. 一般英超賽事的投注額也不會太差,但馬會成日揀埋啲瑞典、挪威、墨西哥、智利聯賽來做「孖膽」,真係倒自己米又倒池某米。

      刪除
    3. 大型比賽Joseph兄就專心睇波吧,不要專程來「送錢」比池某洗了。哈哈。

      刪除
  2. 池兄, 小弟有建議, 如果有空的話, 可不可以花一些時間將你寫過的blog文用標籤分類? (例如有關波馬找edge的, 是可用同一個標籤. 而另一個標籤是時事評論等等.) 這樣可以方便將來或現在的觀眾在這blog中找尋同一類型文章. 我的blog文也有用標籤分類.

    回覆刪除
    回覆
    1. 標籤分類問題嘛...本來諗住一個星期才更新一篇,數量不多,沒什麼好分。現在看來要重新諗諗了。

      刪除
  3. 呵呵,池兄今次的標題夠哂氣勢,赢人又贏陣=)

    "孖膽”就幾乎天天都有得玩,週轉率更是快到無比,快則兩個小時,遲則一晚"~
    會唔會有人提早退休,就係為咗日日炒呢種"即日鮮"?XDD

    回覆刪除
    回覆
    1. 唔係講笑,池某多年來的零用錢,確是靠「孖膽」解決的,順景的年份收入仲好過收股息。

      刪除
  4. 回覆
    1. Michael兄你才厲害,你的連贏次次都計贏我。

      刪除
    2. 池兄搵個易賭啲才利害!

      刪除
    3. 唔易贏架,唔信你試下。哈哈。

      刪除
    4. 唔算啦。小吵小鬧,呢個彩池太細,真正的勁人唔「吼」。

      刪除
    5. 咁真係岩哂小弟呢D小賭徒研究下
      但我個波膽過關都未得閒搞tim

      刪除
    6. 下?你真係要整波膽過關咁巨大工程?

      刪除
    7. 玩大d嘛 真係唔得再由佢囉

      刪除
  5. 池兄真厲害!!
    昨天才想了解一下孖寶半全膽怎玩法,估唔到今朝已經有新文章睇!太好了

    回覆刪除
    回覆
    1. 其實有很多不明白之處,希望池兄會指教一二。
      1,哥列迪巴 全場買1:1的原因?
      2,池兄買的孖寶好似是2-9注?通常是這樣買法?真的不懂...^^"
      3,是否揀開細波的場次買機會大些?
      4,如果有多些例子會更好^^"
      5,將這四組概率交叉相乘 之後就不太明白了,哈哈

      問題少年,不好意思

      刪除
    2. 1.全場買1:1是根據概率「砌」出來的。
      2.不是2-9注,具體注數在曲線圖下面那段已說明。
      3.細波場次會容易中一些,但派彩多數較少。
      4.確實還有很多圖沒貼出來,不過再晒圖就會被人笑學什麼「大賭變李+X」了。
      5.之後部份嘛,主要是「孖膽」的填飛方式會誤導對計算的思考,所以特別作一個說明,如果沒填過「孖膽」飛,可能會不明所以,就跟學游水一樣,在岸上聽理論只會越聽越惘然,一下水就清楚了。

      刪除
    3. 沒有圖,跟不了之後的,哈哈。
      全場買1:1是根據概率「砌」出來的 <證明我計錯了T-T

      刪除
    4. 要注意半全膽的概率是乘,比分是加。

      刪除
    5. 池兄一次半全膽大概會買幾多注?

      刪除
    6. 冇定的,池某會主觀地根據Kelly精神,若cover的命中率低就買少幾注,投注額低又買少幾注。

      刪除
  6. 想請教池兄孖膽計算半場機會率, 係會直接用(0:0,1:0,1:1...) 還是會將主客隊各自的入球分拆計算?

    回覆刪除
    回覆
    1. 神兄,池某希望沒有理解錯這條問題,池某做法是把所有比分行program逐個計算出來的。

      刪除
    2. 嗯...係我講得唔清楚。我想問例如上半場比數, 例如你會用(1:0), (2:0), (3:0) 等等一個整體比數去計百分率, 定係例如上半場主隊入1球,2球,3球等計一次百分率, 然後上半場客隊入1球,2球,3球等計一次百分率, 然後先再相乘?

      刪除
    3. 池某是用「簡單易用的賭波公式」裡的方法,計算出各球隊的「實力指數」,再將各個比分的機會率generate出來。

      刪除
    4. 池兄應該都係用個Poisson。

      刪除
    5. 冇錯,可以將當年書本的知識學以致用,感覺好實在。

      刪除
    6. 之前我用過好幾個方法, 以上半場入球數字去做poisson, 效果始終唔好, 所以我已經接近放棄

      刪除
    7. 你要同莊家搏殺梗係未夠好,在Pari-mutuel彩池已夠用。

      刪除
    8. 池兄有無落今朝嗰場?

      刪除
    9. 今朝嗰場唔中,中到就和味了。哈哈。

      刪除
    10. 最難中係芝加哥火燄上半場入兩球呢個比分。

      刪除
    11. 呵呵,第一場半場就兩主隊兩球個機率好似唔高。

      刪除
    12. 搭個魚咀..
      今朝兩場買左半場大和全場細,收左10%..
      芝加哥火燄果場以為會2:0到完場...可惜了

      刪除
    13. michael兄,不能一概而論,如果是巴塞這樣的球隊,半場入兩球才是正常。

      刪除
    14. 哦,我係指芝加哥火燄呢隊波。聽朝嗰場個彩池好細,可惜。

      刪除
    15. 歐洲聯賽完晒,美國波又一向冇乜號召力。

      刪除
    16. 買十注八注睇怕中咗都唔好分

      刪除
    17. 最好20注以上,十注八注好難中到高概率高賠率的超常規派彩。

      刪除
    18. 如果我買25注落侯斯頓戴拿模 對 肯薩斯體育會嗰個彩池,我計到6.61%中啊。今晚睇吓點先。

      刪除
    19. 哈哈,會唔會比返有著數賠率你先。

      刪除
    20. 冇得睇,靠估。開個0:0/0:0出來派彩可能得300蚊。

      刪除
    21. 睇嚟巴甲好賭啲,聖保羅對利斯菲體育會嗰日有買就好。

      刪除
    22. 嗰日係因為有累積獎金。

      刪除
    23. 個彩池無返十幾廿萬都唔太抵賭。

      刪除
    24. 十幾萬肯定係有的,要有肉食需要三四十萬以上。

      刪除
  7. 原來澳門是没有半全膽玩法!

    回覆刪除
    回覆
    1. 是的。反而大陸足彩有一個有點相似的「四場進球彩」,若將來移居大陸,可以靠呢個搵食。

      刪除
    2. 想問下池兄,為甚麼馬會要選擇這些場次開半全膽(而不是每場也開,或選擇其他場次),是他們知道這些場次有可能打假,還是賽果在他們計算範圍以內

      刪除
    3. 半全膽只係馬會抽水, 所以開咩場次佢地都係穩賺

      刪除
    4. 神經漢兄你好,那他們為甚麼不每場也開?

      刪除
  8. 請問池兄講盃賽同聯賽分別果篇係邊
    搵唔番添 thanks

    回覆刪除
    回覆
    1. 應該沒有專門寫過呢個題目,印象中在一些文章留言有過類似的討論。

      刪除
  9. 今晚歐洲杯8強再黎過, 應該為池兄提供了投資機會! :)

    回覆刪除
    回覆
    1. 呵呵。也可能是中伏的機會呢,不能見獵心喜,平常心即可。

      刪除
  10. 池兄
    如果P(l:2)*(2:1),那半全場的比分就是 1:2#3:3?

    回覆刪除
    回覆
    1. 是的。上半場1:2,下半場2:1,全場就是3:3

      刪除
  11. 池兄,Europe cup是在中立場踢,那還是拿两隊的主客場往績?

    回覆刪除
    回覆
    1. 這種場合往績基本上是無用之物了。
      文章裡說了,至少有三種不一樣的方法,都能做到很不錯的效果,但池某沒可能一次過把所有方法都塞在短短的一篇文章裡,如果所有方法都從最基礎寫起,那是一本書的篇幅,所以只能從較有學術根據的方法寫起,希望大家能舉一反三,不然就會每天都被新問題所困,聯賽升班馬的賽績怎麼辦?友誼賽的賽績怎麼辦?盃賽的賽績怎麼辦?國際賽事的賽績又怎麼辦?實際上,這些問題只是表徵不一樣,背後原理是萬變不離其宗的。

      刪除
    2. 大膽估一下。
      借莊家之矛,攻散戶之盾。

      刪除
    3. 忘記了將呢篇列為參考資料:
      http://poolshunter.blogspot.hk/2016/03/where-is-pig.html

      刪除
    4. 比較想知,用番馬會半場波膽計出來既結果係實際落場效果相差幾遠

      刪除
    5. 這個方法理論上可行,但池某冇用過,也很知道效果如何。
      另,池某也很想知道是否存在一種「實際」最好的方法可作努力的目標。

      刪除
    6. 大概會同馬會一齊企錯邊,尋晚Wales嗰場就係。

      刪除
    7. 我地講大數法則嘛,都要諗下莊家企o岩多定企錯多。

      刪除
    8. 看來今天又能當財演大師了:)

      刪除
    9. 恭喜你!「22000%回報」,零頭的零頭都跑贏大師們。呵呵。

      刪除
  12. 本人對EXCEL不太熟,可否做一個詳細例子?
    或以今晚比賽做例...謝謝!

    回覆刪除
    回覆
    1. 這篇文章並不涉及特別的EXCEL function和programming技巧,至於用EXCEL計算波膽概率部份,在「簡單易用的賭波公式」一文已有頗詳細的演示。

      刪除
    2. 池兄的感染力非同小可

      刪除
    3. 各位,池某要在這裡爆小小料,經過多次比較,好明顯Michael兄的連贏同孖膽都計贏池某。<--絕對真實。
      所以,有關波馬問題,如果大家想吹吹水,池某無任歡迎;如果想贏錢,向Michael兄請教效果應會更好。哈哈。

      刪除
    4. 但我諗唔到點舉一反三喎,呵呵。

      刪除
    5. 反三係理論o者,實際落場來來去去都係果一招半式。

      刪除
  13. 厲害。。真的很勵害。
    "一般概率最高的十多注就能覆蓋5%左右的命中機會率"
    以簡單的道理去換取很高的回報,仲可以圖文並茂給大家解說。

    但我好奇池兄為何總喜歡於其中一場只買一注?因為計得準?

    回覆刪除
    回覆
    1. 不是啦,如文章裡所說,買二三十注是需要的,只是無法一次過把二三十注塞到同一張「飛」,所以要分開買,又想學學財演大師,只show中的「飛」,收埋唔中的。

      刪除
    2. 補充一點, 如果用一張飛填晒的話, 會包括好多唔需要買的注數, 所以要拆開買。

      刪除
    3. 去到三寶六環彩呢d大彩池識填飛係好大關鍵tim

      刪除
    4. 三寶還算簡單,六環彩真係暈得。

      刪除
    5. 多謝各位高手指點。
      很高興有個地方研究下賭波賭馬,而且仲有各位仲肯回答。

      馬飛就更難計算,小弟只會用位置Q3x7,通常一關都兩隻(尾關至可能1拖2)..目標係收個回扣,再中全餐

      刪除
    6. 嘩,位置Q?真高手也。
      池某同Michael兄搞咗幾個月,連Q都未計掂。

      刪除
    7. 勿笑我,你們才是高手。
      取位置Q只是小弟計得不準,才放棄賠率。
      多謝你們的分享,獲益良多

      刪除
    8. 唔係講笑,博彩遊戲終以贏輸論英雄,那些算式和理論,多是建基於種種假設之上,口水而已。

      刪除
    9. 用位置推算位置q賠率可行嗎

      刪除
    10. 願聞其詳。馬匹跑入三甲相關和相斥的關係如何解決?

      刪除
    11. 計到位置Q,基本上已經買到3T。

      刪除
    12. 靈光一閃,毫無深意熟慮,口水野而已

      刪除
    13. 呵呵。有時靈感正是由一念一閃激發而成,多啲想像冇壞。

      刪除
    14. 我係著重短途馬/檔位/馬跑法/狀態。
      特別係谷草沙田同泥地1200其實不是一樣的,我就分開計的。
      另外,大家都知馬係跑分數,有些減過分的馬通殺都唔奇。
      我未有一個良好的統計系通,所以只靠一個excel....

      我只會計到短途,所以買不到3T.

      刪除
    15. 只計個別路程,咪要好多季的data先support到個database?

      刪除
    16. 我原本用兩季個數據去分,但後來就發現了問題。原因係上年有跑道維修工程,今年泥地既數據已經同上年的不同。另外,就算係一季內,我都有困惑的事情,例如係場地快慢,前段速。。整體來說,有多數據,但就無概論。

      池兄,除左「計得精彩」,還有什麼書值得研究研究?

      刪除
    17. 「計得精彩」裡有教點樣test數據係咪有效。

      刪除
  14. 池兄您好,最近池兄在獨嬴彩池還搵到食嗎?

    回覆刪除
    回覆
    1. 獨贏還算ok,不過成日都好似只「皇龍大將」咁,要比人打劫一截。

      刪除
  15. 池兄買好費古倫斯 (主)定明尼路 (客) ?

    回覆刪除
    回覆
    1. 仲以為係完場賽事添,搞到去check左一輪投注記錄。
      聽朝o既波,未計呀。

      刪除
  16. 我也在找數據研究一套賽馬系統。。請問要多少年的data。。那些數據是最有用的。。依最重要排。。希望池生能賜教

    回覆刪除
    回覆
    1. Data多少年為好恐怕沒有一個標準答案,應視乎model而定。池某大概使用近2500場的data,都是馬會網站排位表和賽績易的數據,沒有其他特別的。

      刪除
    2. 我無統計學知識。。能指引如何setup 一個有效的model嗎。。那幾個變數是最重要?

      刪除
    3. Model是否有效是很難講,有的複雜到暈的model未必有效,有的簡單到例如只買某個number卻可能會贏到你唔信,比如這篇文章的例子:
      http://poolshunter.blogspot.hk/2015/11/blog-post_15.html
      不一定要靠統計學的。

      刪除
  17. 獨贏跟位置彩池要分開研究嗎? win 的機率能直接計出位置的機率嗎。。

    回覆刪除
    回覆
    1. 這是每個馬場賭徒迴避不了的問題,前面的文章有比較詳細的討論:
      http://poolshunter.blogspot.hk/2016/05/blog-post_16.html

      刪除
  18. 孖膽是否要有多寶才值買。。要多少多寶。。

    回覆刪除
    回覆
    1. 如果計得夠準,能一擊即中,有沒有多寶又有什麼所謂?
      只係池某計得唔夠準,才希望有多些多寶作保障。

      刪除
  19. 其實只看波膽賠率。。用馬會抽水率調整就已可估算各波膽机率。。只是抽出被認為最多人猜的幾範不買就有edge??

    回覆刪除
    回覆
    1. 這個彩池沒有real odds顯示出來,怎麼知道有沒有edge?

      刪除
    2. 那你是怎下注?不是只估計比較少人買的比數便可?

      刪除
    3. 你要從背景知識那兩篇文章開始重新看一次了

      刪除
    4. //那你是怎下注?
      買晒機會大的。

      刪除
  20. 聽朝嗰條馬會捧主隊喎!

    回覆刪除
    回覆
    1. 呵呵。萬一有一場和波呢?

      刪除
    2. 我:11th 0:0#0:0 0:0#0:0
      馬會(都係我):13th 0:0#0:0 0:0#0:0

      刪除
    3. 今季,達拉斯未試過主場0:0;奧蘭多同溫哥華未試過客場0:0。

      刪除
    4. 最怕銀河無啦啦開大....

      刪除
    5. 8次主場,得失球26個。

      刪除
    6. 我又參一腳, 奧蘭多今季攻擊力強, 作客未試過冇波入

      刪除
    7. 而且防守力差,作客6場失11球。

      刪除
    8. 達拉斯對奧蘭多, 全場比數的話我會選2:1/3:2

      刪除
    9. 哈哈,作客8場失20球。

      刪除
    10. 達拉斯今季主場未試過半場入2球,全場入3球。

      刪除
    11. 我所指的2:1/3:2都是全場比數, 不是半全場比數

      刪除
    12. 睇嚟神經漢師兄已經揀好波膽!

      刪除
    13. //我所指的2:1/3:2都是全場比數, 不是半全場比數
      Sorry,理解錯誤。

      刪除
    14. 若有一條開到3:2派彩應該好和味。

      刪除
    15. 我只係見到兩位師兄響度腦震盪,小弟先去望下資料俾意見。論專業就不及兩位了

      刪除
    16. 開3:2,分分鐘一注獨贏。

      刪除
    17. 以兩隊近期表現,3:2係好極端但又唔係無可能出現的比數。搏大霧心態買一注還可以的,當然兩位師兄應該心裏有數會唔會考慮

      刪除
    18. 忽發奇想,如果用場次A全場波膽x場次B半場波膽做過關,算唔算係買保險注?

      刪除
    19. 點解係乘B半場波膽而唔係乘B全場波膽?

      刪除
    20. 因為突然諗到,所以並無考慮咁多。

      刪除
    21. 哈哈,池某確實有時會買兩場波膽過關做保險注。半場波膽就真係冇諗過。

      刪除
    22. 呢場買頭三十注個機率都唔係好高。

      刪除
    23. 話唔埋有多一次累積呢。

      刪除
    24. 2:0都幾爆...
      不如再爆D..累積多次

      刪除
    25. 1球都仲有可能, 3:0追到3:2的機會真係好低

      刪除
    26. 可能有人買得中嫁...雖然我都想佢有累積。

      刪除
    27. 成200萬投注,2:0#3:0應該唔算好爆..應該都有人中..
      雖然我都想佢有累積 X2

      刪除
    28. 全場3:0我都有買﹐但買唔到半場2:0啫...

      刪除
    29. 4:0好,有累積的機又大一啲。

      刪除
    30. 咪住,多寶會撥入今晚嗰場?

      刪除
    31. 如果係撥入今晚果兩場就慘了

      刪除
    32. 回報低得嚇人, 將兩場賽事的半全場波膽夾叉互串成4條過關2x1,加埋都派成$3200

      刪除
    33. 第二關好易中,頭關4:0就要100注之後了。

      刪除
    34. 2:0#4:0 1:0#2:0 係第287注

      第一關半場嗰兩粒真係好難中

      刪除
    35. 做一個比較
      今日兩場賽事的半全場波膽夾叉互串成4條過關2x1,派$3200, 孖膽派$19000
      星期日兩場(巴甲+美職)的半全場波膽夾叉互串成4條過關2x1,派$2600, 孖膽派$59000......? 多寶太多反而令派彩不合理地低, 定係平時太少人買所以派彩不合理地高? 各位可以研究下

      刪除
    36. 唔係咁計。今日呢條容易好多,200注左右就得。
      星期日果條尾關開客主,仲要半場入3:1,難度非常高。

      刪除
  21. 池兄幾時整返個過關kelly

    回覆刪除
    回覆
    1. 池某功力未夠,只係整到入球大細過關Kelly。波膽過關Kelly太高難度,要靠Peter Pan兄弟了。

      刪除
    2. 暫時睇係會整到都計唔到,相信計劃要無了期押後了

      刪除
  22. 回覆
    1. 冇投注額。呢度應該冇人會玩呢個彩池。

      刪除
  23. 你說會買兩場波膽過關做保險注。。。為甚麼要這樣估

    回覆刪除
    回覆
    1. 有時遇到一D心血來潮的組合求個心安o者,實際上都好少咁做,100次都冇一兩次。

      刪除
  24. 請問你玩唔玩六環彩, 孖T 等彩池,

    回覆刪除
  25. 請問"將這四組概率交叉相乘,就是各注“孖膽”的概率了。"是怎樣計的?可否舉例說明一下。謝謝!

    回覆刪除
    回覆
    1. 假設第一場上半場1:0,下半場0:1;第二場上半場2:0,下半場3:0;
      p(1:0)*p(0:1)*p(2:0)*p(3:0)就是1:0#1:1/2:0#5:0這個組合的概率。

      刪除
    2. 請問池兄~是否需要將所有組合都列晒出來計?

      刪除
    3. 全部組合列晒有10萬注,如果你只係買幾十注,唔需要列晒啦,但也不能列得太少,否則會miss左一D機會大的組合。

      刪除
    4. 明白(暫時,哈)!多謝池兄.
      重新再整過個表先....暫時未成功過...

      刪除
    5. 下?走寶了,昨晚果條好易中。
      Michael兄同Peter Pan兄應該在數緊錢了。呵呵。

      刪除
    6. 技不如人麻,哈哈~
      昨晚第二場?

      刪除
  26. 即是每個胆有好多组合?如全場0:1...半場有可能是1:0或0:0

    回覆刪除
    回覆
    1. 入球本身無上限,組合自然無上限。

      刪除
    2. 全場0:1,半場無可能是1:0。

      刪除
    3. 我打错左,係全場0:1.
      其实是否可以全場波胆,取代計算下半場的波胆。

      刪除
    4. 用全場數據逼出下半場數據係Michael兄強項。哈哈。
      若只買機會較大的二三十個組合,用半場數據、全場數據和半全場數據三種方法都能做到差不多的效果,差別不太大。用哪種方法視乎各人的喜好吧。

      刪除
  27. 想請問孖胆是每場也值得買, 還是有些情況你會不買?? 例如投注額低是否不應買

    回覆刪除
    回覆
    1. 因為不能預先知道派彩,故無法判斷值不值得。池某只要記得買就會買,投注額低或cover的機率低就買少幾注。

      刪除
  28. ''請問"將這四組概率交叉相乘,就是各注“孖膽”的概率了。''


    請問係咪互相乘完之後選最高機率果幾條買呢?
    感激池兄, 獲益良多!

    回覆刪除
    回覆
    1. 是的。買機率最高那些組合,但不宜買太少注數,注數太少容易錯過一些機率高賠率高的組合。

      刪除
    2. 如是者, 請問池兄以聖保羅&克羅地牙果兩場為例, 是否第一場以半0:0,全0:0做膽拖的注項機率最大, 所以先咁放心只買0:0做第一場的半/全膽? 還是因為有其他數據/因素影響到池兄你的決定?另外想多問一句, 新手應否先以單場波膽測試? 再一次感謝池兄以數字之力助人, 不求大富大貴, 但求學以致用~

      刪除
    3. 如是者, 請問池兄以聖保羅/克羅地亞為例, 是否因為以第一場半0:0,全0:0為膽的注項機率最高, 所以先咁放心剩買半0:0 全0:0拖第二場? 如不是, 請問有什麼因素影響池兄既決定? 另外對於初學者, 池兄認為用此方法買單頭試試合適嗎? 當年大學econ既stat都還返俾lecturer了, 依家再次接觸數據但唔再覺得無聊了哈哈, 感謝你既分享呀池兄!

      刪除
    4. 1.聖保羅&克羅地牙果兩場也好,其他賽事也好,都沒有什麼主觀考慮的,只是依照計算出來的結果下注。
      2.不建議用單場波膽做測試,單場波膽是fixed odds彩池,馬會抽水30%,賭仔很難找到edge。孖膽容易贏正是靠食賭仔的錯價。
      3.發現學而能有所用的滿足感確是很大的。

      刪除
    5. 明白, 唔好介意想問多一個問題, 每一個注頂對池兄黎講, 幾多%以上先係值得買埋? 我D 電腦stat好水皮哈哈, 唔識用loop vba, 要靠人手續個續個prob乘, 依家仲做緊單場既excel, 仲未做四膽互乘果個

      ''孖膽容易贏正是靠食賭仔的錯價'' 是否指因其他賭仔輸錢而谷大左自己贏既錢?

      同埋多口問多句, 唔答亦可~ 池兄呢種玩法平均大約幾耐中一次, 或者試過最長幾耐都不中? 因為見池兄中得好密, 所以想預計一下本錢要大約幾多做準備, 謝謝~!

      刪除
    6. 1.呢個彩池的贏錢蹺妙在於排序而非具體的prob,所以不必太在意幾多%的機率。
      2.他賭仔輸錢是因為多種客觀因素會令他們不經不覺間把資金投入低效的組合。
      3.「平均」很難答,中得密時試過一晚中兩三次,或一個星期五六次,最長試過連續40幾次唔中。

      刪除