2017年7月21日 星期五

學巴菲特做生意

池某養育了成竇化骨龍,算是為緩和香港人口老化問題盡了一點義務。正所謂樹大有枯枝,族大有傻豬,化骨龍們有時會帶來很多的歡樂和滿足,有時則帶來不少的煩惱與擔憂。

話說日前大考之後、放暑假之前,化骨龍WY神神秘秘相約行街shoppingW與池某比較啱傾,無所不談。池某問起他們shopping的成果,W說自己一無所獲,但透露Y40元買了一本暑期作業。

池某馬上意會到不尋常,以Y的性格,從來是玩樂大過天,功課放一邊,零用錢百分之一百只會放在吃渴玩樂,絕不可能花一分一毫於學業,連十元八塊的班會費都一定攤大雙手向老爸要,怎可能主動動用零用錢買暑期作業來做?

W繼續說,其實Y的學校早已派發了暑期作業,但老師把隨作業附送的答案抽起了,Y為了玩盡整個暑假,才特地花錢買一本“答案”來抄。

這倒很符合Y的性格,對於玩樂,就是捨得下本錢。

Y說不一定會蝕本,可能還有錢賺。”W說得興奮,已經停不來。

什麼?後面還有故事?

Y說全班同學都有這個需求,如果向每個同學收費2元就把答案whatsapp給他們,那麼只需20個同學出價,就能回本,多過20個,就有錢賺了。”原來Y之前曾經做過一個人物傳記閱讀報告功課,看過巴菲特小時候分銷可樂賺錢的故事,認為自己也可通過“分銷答案”來複製這個成功故事。W說到這裡,語氣間還流露出對Y的“生意頭腦”的羨慕與讚賞。

真是混帳!池某幾乎被氣至吐血。小巴菲特分銷可樂之所以能成功,是因為可樂是消費品,每銷出一杯,就會被消耗掉,不會被重複轉售。“分銷答案”面對的市場顯然不一樣,如果這個“市場”真是存在,那麼假設有個同學A2元買了答案,然後再以1元一個叫賣,Y就完全沒“生意”可做了;又或者有更大方的同學,將答案放上群組,整個“市場”就立即不再存在了。這是市場風險。

當然,Y可以選擇先統一收費,再統一“發貨”來控制市場風險。問題是,這本來只是天知地知WY知的事情,當晚就被家長知道了。如果這件事搞到全班同學都知道,學校老師又怎會不知道?這是政策風險。


這場鬧劇看來是要以“生意失敗”告終了。事情雖小,卻也說明了要成功做成一件小事之難。某些大師整天侃侃而談,“分享”一些獨立個案和股神或價值祖師爺的隻言片語,然後斷章取義地片面理解,又教人生搬硬套地模仿,比起小孩子做生意又高明得了多少?

83 則留言:

  1. 放上逃保,逐條問題拆件賣就可以了, 仲可以bid添!

    回覆刪除
    回覆
    1. 咁都諗到?魔師兄生意頭腦非同凡響。XD

      刪除
    2. 哈哈, 我以己度人, 做功課通常只係唔識一條半條, 無需要買哂全份答案, 而且題題都同 model answer 差唔多實會俾人發現的; 而且拆答案要scan / 影相, 做photo editing, 都算係 value added, 收貴啲都要.

      諗諗下仲可以每條答案只售一份, 買家會唔會將佢轉售俾「競爭對手」就 you lum you la!

      刪除
    3. //以己度人
      而家啲學生哥邊有師兄咁好學,潛在買家應該都係想買晒全份答案的。
      暑期作業,只係但求有得交,老師都唔會對答案。

      刪除
  2. 池兄既化骨龍都幾有生意頭腦,第日實可以做老闆

    回覆刪除
    回覆
    1. 唔係卦,咁失敗都話有生意頭腦?:)

      刪除
    2. 賴野係成功的第一步, 未輸過點學識風險呢?

      刪除
    3. 很同意「賴野係成功的第一步」,不過呢個case一開始的出發點就不太「正路」。

      刪除
  3. 單單係不默守成規;夠古惑;年紀輕輕 知道 假期作業是垃圾,求撚其交差就得;對賺錢有強烈慾望;細細個睇snow ball學巴菲特,好過學癈柴財演,這些優點已好過好多同年齡小朋友。very good。

    回覆刪除
    回覆
    1. 哈哈。相信不會有為人父母者將「古惑」視為兒女的優點。

      刪除
  4. 要知道遊戲規則的空位,才可以古惑,蠢人是不會古惑的。股市 賭場 辦公室 溝女溝仔都需要古惑。這是一個大優點。

    回覆刪除
    回覆
    1. 呢方面池某真係傳統又保守,寧願佢地誠實啲勤奮啲。知道別人的古惑招就好,唔需要自己古惑。

      刪除
    2. 相信池兄嘅仔女都係“靈巧像蛇,馴良像鴿”。待人處世要聰明,但同時亦持仁義的心,做社會赢家指日可待也👍

      刪除
    3. 做社會贏家就不敢奢望了,將來他們不遺禍社會已還得神落。

      刪除
  5. .....分享”一些獨立個案和股神或價值祖師爺的隻言片語,然後斷章取義地片面理解,又教人生搬硬套地模仿.....

    Well say 只要將巴菲特的書重新排列,金句逐句列出,然後加一D大路股票就可以出書。錯別字,標點符號運用不當, 詞匯狹窄。看這些我的 utility 低無可低,寧願去踢波。

    回覆刪除
    回覆
    1. //錯別字,標點符號運用不當,詞匯狹窄
      這是普遍現象了。像喜爸爸、魔術師這樣文采飛揚、言之有物的,在blog界也是鳳毛麟角了。

      刪除
  6. 以前做暑期作業,若知道老師唔會認真改,便求其做便算。

    再唔係返到學校,和同學夾埋,話要一、兩個星期先可以交,老師通常都會通融,然後便趁這個空檔狂抄。

    聲明:我唔係好學生,請勿模仿!

    回覆刪除
    回覆
    1. 如此說來,池某當年算是好學生了,至少在大學之前,每一題功課都是自己認真做的。:)

      刪除
    2. 大學連堂都走晒,功課梗係做唔足啦。

      刪除
  7. 咁細個就識諗呢d, 都係好事黎. 誠實, 正直, 勤奮呢d價值觀可以慢慢教.

    但做人不刻板, 要明白條條大路通羅馬既道理, 就不是容易學會的. 至少池兄的子女可以自己想出一個疑似食差價既方法, 應是頭腦靈活的小孩.

    回覆刪除
    回覆
    1. 池某反而覺得正確的價值觀需要及早建立,方法、技巧這些則可以慢慢教,慢慢磨練,否則很容易聰明反被聰明誤。

      刪除
    2. 魔術點唱:

      https://www.youtube.com/watch?v=_8qEKcVSVlc
      若有真的心 便有最高的劍道
      若有真的心 一生會自豪
      若有真的心 便有最高的劍道
      沒有真的心 得到也是無

      刪除
    3. 林振強的詞?望落普通,嗒落有味。

      刪除
  8. 有嘗試過也算不錯!千金難買早來輸,細細個天馬行空,左思右想,就算失敗了,也是塞翁失馬啊,太過一板一眼就同身邊的朋友同學無差異了。

    回覆刪除
    回覆
    1. //池某反而覺得正確的價值觀需要及早建立,方法、技巧這些則可以慢慢教,慢慢磨練,否則很容易聰明反被聰明誤。

      睇完池兄回Joseph兄的留意,後補一句。
      池兄有道理,可能我唔係家長就無呢種思維。
      同Y多作傾談,多作價值觀方面的引導,等小朋友可以喺一個唔好作奸犯科(或犯規)的思維下天馬行空,長大後可能創意無限!

      刪除
    2. 滿腦子歪門邪道的「創意」,不值得鼓勵啦。

      刪除
  9. 自小有呢D 價值觀係非常好的事~~不默守成規最終一定活出非凡人生~:)

    回覆刪除
    回覆
    1. 如果是別人的兒女池某也會這樣說,自己的就...

      刪除
  10. 用 Whatsapp 真係唔掂,全班 20 人每人夾 1 毫已經可以開心 Share。
    如果放在上網賣,又可能被海關告。

    其實既然 W 這麼羨慕 Y 有一盤生意,不妨讓 Y 和 W 合作——

    Y 負責出錢買學校所有年級的暑期作業,再在學校的 facebook secret page 開 po 文︰「代做暑期作業,每頁 $0.5,答題命中率由客人決定。有意留言,po 主私訊。」然後有客人時 Y 可以出去玩,順道交收暑期作業。
    W 負責抄寫答案至暑期作業。然後兩人自己分帳。有需要時還可以外判給其他同學幫做。

    如果不想外判出去拆帳,還可以把多本暑期作業適當地摺起來,再用 carbon paper 同時寫數本。

    對 Y 君來說,這個系統聰明、有效率、完全合法,很值得一試啊 XD

    回覆刪除
    回覆
    1. W對Y的讚賞僅限於「咁都比佢諗到?」W一身正氣,又相當「有米」,肯定不屑做這種勾當。

      刪除
    2. //W一身正氣,又相當「有米」

      似我 XD

      刪除
  11. 1本假期作業約80-100頁,0.5元一page仲要拆帳不化算,比最低工資還低;起碼1-2蚊1 page。

    回覆刪除
    回覆
    1. 又係50步同100步的分別o者。:)

      刪除
  12. 收10蚊一位, 講明只限幾位, 先收齊錢先出貨!
    總有人無朋友, 要靠自己認購.
    回本後, 臨放完暑假個陣再賣多次, 即時發貨20蚊一位打盲毛.

    回覆刪除
    回覆
    1. 70後兄果然係生意人,充分考慮到供求、時效與定價的關係。呢個方案最貼地。
      諗起了張五常的賣桔者言,呢個case同賣桔啱啱相反,越接近時限越有升值空間。唔知「抄功課」會否發展出一套經濟理論呢?XD

      刪除
  13. 最弊暑期作業呢個市場完全透明,而且入場本檻低,只需$40蚊就可以脫苦海,基本上每班實有個有錢同學會買,然後免費派發,增加自己既名聲haha
    呢個原因應該係多年黎無人開拓代做暑期作業市場既原因。

    btw我以前一開學,都係交一本空既作業俾老師,老師根本唔會改,派返返黎叫我地自己對住答案改,我連抄都無抄…haha 其實暑假作業無考慮老師批改作業既能力。

    一本野差唔多成百版,老師要改,基本上唔洗教書。
    同學自己對,基本上唔洗旨意佢會認真改。

    暑期作業只係一個政治政確既工具haha

    回覆刪除
    回覆
    1. 將暑期作業視為重溫和鞏固知識的一個途徑,就會輕鬆很多。若好像大部份打工仔那樣將工作或功課視為負擔,而去發「xx自由」夢,很容易會變成病急亂投醫,蹉跎歲月而一事無成。

      刪除
  14. 原嚟池兄有2件化骨龍嘎啦,仲以為池兄2x歲左右,呵呵,不過2x都可以有2件...
    犀利,本人都已經有1件,1歲幾,準備第二件,壓力大啊,慢慢向池兄學習,最後達到經濟獨立或者幫補下都好,不過暫時都仲系乖乖打工,隨時一世打工,無辦法....

    回覆刪除
    回覆
    1. 請留意文章第一句,係「成竇」,點只2件咁少。XD

      刪除
    2. 哈,哈,哈,...有心就有力。

      刪除
  15. 賭博已能養妻活兒。。池兄果然高手。。。介唔介意講你全年在馬會總投注額。。。及馬的回報率

    回覆刪除
    回覆
    1. 池某絕大部份資金放在股票,在馬會的投注額不算很高。股票收益係池某最大收入來源,過去賽季馬的回報率不算高(見前面文章,因重砌模型拖了半季時間,到2月下旬才發力),按百分比算雖跑贏港股大市,但跑輸池某持有的其中一隻股票。

      刪除
    2. 本地賽馬回報有無10%?

      刪除
    3. 池兄主力持有的都是港股 blue chips ?

      刪除
    4. //本地賽馬回報有無10%?
      咁又唔止。遠遠不止。若計埋海外馬更可觀。

      刪除
    5. //港股
      池某寫過股票的操作
      http://poolshunter.blogspot.hk/2016/08/vs.html
      大致操作亦是如此,只是年初時避免持有太多現金加入了一隻增長股。

      刪除
    6. 犀利犀利,陰莖陰莖....

      刪除
    7. //本地賽馬回報有無10%?
      咁又唔止。遠遠不止。若計埋海外馬更可觀。

      請問係指個POOL 既回報率定係總投注額多於10%?

      刪除
    8. 是指與最初的本金比較。
      這個回報率與所選的kelly比例關係較大,如果用大一點的kelly比例,回報率可能會好很多,但所經歷的大幅波動會令人心驚膽跳。

      刪除
  16. 股票如何計算有edge?。。。用再平衡法。。何時才會100%持現金?

    賽馬如全年投注額1000萬計。。。能賺200萬以上?

    回覆刪除
    回覆
    1. 股票池某唔識計edge架,只係每過一段時間再平衡一下,至於何時持多少百分比現金視乎以什麼作參照物。
      賽馬,理論上投注額大一些可以再賺多一些,因為出現有回扣注數的比例會高一些。不過現實的情況不能單以理論角度去估算,贏輸的幅度不但與命中的次數有關,也與贏輸排列的次序有關,連續贏時幾個賽日就可以將本金翻倍,連續輸時本金會萎縮得很快,需要很長的時間才能追回。故此玩這個遊戲不能只想像可能有多少回報,更要對回報率的大幅波動有足夠的心理承受能力。

      刪除
  17. 池兄化骨龍好可愛又有生意觸覺 :D

    回覆刪除
  18. 想請問如原本10000本金只玩獨贏彩池。。。現同時玩埋位置。位置q.連贏彩池。。可以4個彩池也10000做本金。。還是庄3改每個彩池2500。。還每個彩池不同本金應如何分配。。

    回覆刪除
    回覆
    1. 沒所謂的,這只是本金加減的問題,並不會改變回報率。

      刪除
  19. 池兄好嗎?咁快又一年,有馬跑的日子過得特別快!池兄上季戰績如意嗎?對比前季有否增長?

    回覆刪除
    回覆
    1. 在樓上答過這個問題了。正常利潤,沒有夢想中的超常規盈利。

      刪除
  20. 請教池兄
    小弟每次賽事都精選幾隻馬匹買位置 (平均3倍左右)
    睇番上季記錄 回報都算唔錯
    如果新一季想用KELLY分配每場投注既注碼 請問有咩注意 ?
    假設我個方法係WORK同埋小弟心理及戶口承受到大幅波動風險

    回覆刪除
    回覆
    1. 平均3倍左右 4成多少少命中率
      係咪就可以好似條式咁樣
      每次用本金既10%買 ?
      謝池兄

      刪除
    2. 這個問題在上文的留言中談論過了。如果沒有計算一個相對可靠的p,以本金的增減比例來決定每注金額的增減比例,可能比強行套用Kelly的效果更好。

      刪除
    3. 咁池兄認為我每注應該用幾多本金比例最適合呢?

      刪除
    4. 沒所謂的。嚴格來說,half kelly也好,1/4 kelly也好,都已不算是「最優」增長方式,只是用來防預波動而已,更何況這個case不容易直接使用kelly。
      可以用一個自己安心的平注,每過一段時間檢討一下本金的變化,再確定注碼的增減即可。

      刪除
    5. 池兄 好的
      衷心謝謝你詳細解答 !

      刪除
  21. 池兄, 我做了一SET TRAINING DATA後,跟住做regression,然後再做predict。但如何令predict set入面所比出來的P加起來的SUM係1呢(如場次1中,14只馬加起來的P=1)。

    回覆刪除
    回覆
    1. 將各項分別除以本來個sum就得,之後各項的sum一定是1。

      刪除
    2. 謝池兄。但為何Real Odds(取倒數)加總往往會介於1.22到1.23之間呢?各個場次的Real Odds Sum唔係一定要係1嗎?

      刪除
    3. 因為馬會抽水17.5%,計算機率不能直接用倒數,要用0.825來除。

      刪除
  22. 再請教池兄
    馬會網頁內既賽果及派彩右面可以睇到分段時間及位置
    我想用EXCEL將一場所有時間COPY AND PASTE
    跟住想將最後800米(最後兩段時間)用SUM加埋去比較
    但係佢又顯示唔到 (VALUE#)
    結果而家我要逐段時間入極費功夫
    請問池兄有冇方法解決 ?

    回覆刪除
    回覆
    1. 池某沒有用這個數據,不過技術上應不難解決,用IFERROR或IF(ISERROR...)去test右邊第6個位,先將兩組數字分開,再取其VALUE就得。

      刪除
    2. 謝謝池兄
      不過都係加唔到 就咁攞一個數就得

      刪除
    3. 如果COPY & PASTE 可用 =VALUE(LEFT(H5,5))
      因為最尾有個" "空格.
      如果識寫VBA, 可以LOAD落EXCEL度.

      刪除
    4. 難點係要將尾二那組數提出來,之前池某曾問過IT人類似的問題,印象中要用到CONCATENATE、SUBSTITUTE、MID等等,且要分幾步才能完成。

      刪除
  23. Copy&Paste入Excel不用那麼複習,用Left+Value就可以,如果是24.00 23.00 22.00 係一格裡面
    就要用Find/其他指令

    回覆刪除
    回覆
    1. 池某看了一下馬會頁面的格式,確是很簡單。
      若尾二的數據在F3,末段數據在H3
      VALUE(LEFT(F3,5))+VALUE(LEFT(H3,5))就OK了。

      刪除
    2. 用池兄呢條FORMULA VALUE(LEFT(F3,5))+VALUE(LEFT(H3,5) 就計到了 ^^
      多謝池兄幫手解決我個幾月既煩惱 萬分感謝!

      刪除
    3. 哈。sorry,池某一直是用蘋果馬網的資料提取分段時間,沒有留意馬會網頁的格式。

      刪除
    4. 原來蘋果有晒所有資料
      仲要COPY AND PASTE就得 !
      池兄好野 !!!

      刪除
    5. 做賽後資料更新用蘋果資料方便過用馬會網。但要注意蘋果有個別馬名會match唔到,比如「開懷大少」變左「開心大少」,有時「寳」會變左「寶」字,「您」字變左「你」字,「綫」字同「胆」字有時更會變左亂碼。
      兄台有時間可以向蘋果反映下,叫佢改返。:)

      刪除