2016年9月13日 星期二

追趕烏龜的蝸牛

阿基里斯是希臘神話中跑得最快的人,也就是希臘傳說中的飛人保特。不過,他的大名之所以能夠衝出希臘,為世人所熟知,卻不是因為他跑得快,反而是因為他追不上一只烏龜的故事。

故事出自公元前5世紀一位學者芝諾之手。芝諾的說法是,只要烏龜在阿基里斯前面一段距離,當阿基里斯追到烏龜原本的位置,烏龜已在同一時間段向前爬行了一段路程。如此類推,阿基里斯每次追到烏龜本來的位置,烏龜都又已向前挪動了一段距離,所以阿基里斯只能離烏龜越來越近,卻永遠也追不上烏龜。

芝諾使用的顯然是詭辯之法,但要從邏輯上駁倒芝諾悖論也不容易。芝諾主要是利用了人們對無限的抽象認知,將不能無限分割的時空作了無限分割,從而把本來輕而易舉的事說成不可能。

這種以無限來迷惑人的手法,直至2500年後的今天仍然很流行,只是做法剛好相反,不是把時空無限分割,而是把時空無限延伸,也就是當今財演大師最常用那招──無限補時,這樣就能達到相反的效果,把不可能的事說成輕而易舉。

財演大師說,買股票不必理會股價,以收股息就能達致財務自由。是否真的這麼輕而易舉呢?檢算一下就一清二楚了。

就算是追烏龜也要有個目標,以現今的購買力來算,就當1000萬港元資產是個勉強夠財務自由的目標好了。假設投資者22歲畢業,一畢業就找到工作,每個月能儲蓄5000元,之後年年加人工,每年儲蓄額增加5%;又假設他將儲蓄全數買股票收息,股票的價格永不下跌且每年能穩定收取6%的股息,並再投入股市。那麼他需要多長的時間才能達到1000萬元資產的目標呢?答案是:31年。

且慢,即使是一只烏龜爬行31年,也是一段不短的距離。既然1000萬元資產的目標,是以現今的購買力來計算,31年後的購買力當然就不一樣了。假設每年通脹率3%好了,31年之後,目標就由1000萬變了2500萬。幸好這時的資產基數已大了很多,再追11年就達到2500萬了。但11年後“烏龜”又爬到3460萬的位置,又要再追多4年。4年後“烏龜”又爬到3890萬的位置,還要再追多2年,終於追上了。

加加埋埋,要達到這個勉強夠財務自由的目標,一共要48年。也就是說,一個人22歲投身社會工作,到70歲時才能財務自由,還要假設這48年間,即使到了六、七十歲,也不會失業,還年年加人工,而且要股價永不變、週息率永不跌、通脹率永不升,才能達到。

要縮短達標時間,有兩條途徑可行:一是放棄以收股息為目標,追求更高的投資回報;二是加快工作收入的增長,像70後兄那樣,以高收入、強勁現金流“谷”大資產規模,快速達標,但這樣是以努力工作達致財務自由,並不符合大師們所說唔使do以被動現金流致財務自由的幻想。而且,以工作達致財務自由而以股息維持財務自由,也不能算是以收股息達致財務自由了。

實際上財演大師也不會、不敢行第一條路。一來,放棄以收股息為目標而轉向增長股,就是直接自打嘴巴了;二來,若股票上升導致週息率下降,他們新增的儲蓄就增值無望了,對他們來說股票真是“越升越冇價值”。故此,把口講以收股息達致財務自由的大師,最終免不了要長期逆來順受地打份牛工,或千方百計從市場之外騙些收入。

什麼以股息被動現金流達致財務自由,說得那麼牛,原來只是一只蝸牛。


145 則留言:

  1. 我個人是不相信 '唔do, 就可以輕鬆財自的'. 我比較相信'力不到, 不為財'. 天下何來免費午餐?

    回覆刪除
    回覆
    1. 嘻嘻,池某不相信阿基里斯追不上烏龜,也不相信蝸牛能追上烏龜。但對於那些幻想左就以為係或者詭辯左就以為係的論調,還是小心求證為好。

      刪除
    2. 我已14年沒工作。。我也是70後。。今年才擁有第1個8位數。。我的財富全是賭回來的。。。股市應該是我損手最多的地方。。。。對我來說股市是投機。。賭才是投資

      刪除
    3. 嘩!beyond兄係另一個Alan Woods?

      刪除
    4. 馬仔只是跟池兄學習。。我主攻賭場漏洞

      刪除
    5. 人生只是遇上一兩個較大的機遇吧了。。。波馬也只是這一年遇上池兄等高人才開竅。。。馬會我已隔離了十多年今年能收復失地也是始料不及。。不過職賭的知識有些能融匯貫通

      刪除
    6. 獨行俠自己賭,很利害!

      刪除
    7. 自己周遊列國不會悶嗎

      刪除
    8. 單嫖獨賭。。又不是消閒娛樂。。你上班也是一個人。。賭場萍水相逢。。志同道合者不比你公司的同事多嗎??

      刪除
  2. 回覆
    1. 未必呢,唔補時的話,幾勤力的蝸牛都未必追到烏龜。

      刪除
  3. 所以, 只靠買股票收息, 是好難去到財務自由, 而大師都知, 所以想到買投資物業, 但現樓價高好難買 !
    依家可以幫你達到財務自由的產品是 : 1) 創個賺錢公司, 2)實金實銀持幾年 !

    回覆刪除
    回覆
    1. 所以大師所說的只是騙人的口號,他們很清楚是做不到的。

      刪除
    2. 在金甲虫經常見lisa姐發言。。為何實金實銀持幾年就能財務自由??我記得孫柏文10多年前已預言白銀會升到百多200...到去年還堅持會達標。。但實際卻差之千里。。。這是建基於信念??

      刪除
    3. 係, 因為世界在變, 而金融都會變, 依家的儲倉, 是下一個收穫 !
      賭我就唔識啦, 因為我爸爸極反對人賭錢, 源來之我祖父母成日賭唔理仔女 !

      刪除
    4. 是不是預言有第3次世界大戰。。。或因濫發貨幣而出現超級通脹。。。那到時財務自由也可能不能享受人生。。有用嗎??

      刪除
    5. 當年開始講金銀在2006年, 也是孫柏文講買銀的時候, 而依家過咗10年, 所以我地離金銀大升勢愈來愈近 !
      因為乜野原因 ?
      就係世界金融已變質, 全世界國家債務愈來愈高, 唔會咁行落去, 終於有日要計數 !

      刪除
    6. 記得池兄一文曾說過投資與賭或稱投機。。是在本質上你能否確定能計算出正回報。。一般人或許覺得賭是投機。。金股匯才是投資。。這只是形像上預設的負面與正面。。而不是從投資本質有沒優勢去定論。,這點我是身同感受

      刪除
    7. 唔係好明beyond 想講乜野 ?
      不過我都說過, 人生是一個大賭場, 因為你每行一步都要選行邊條路, 而好多時都是靠估(賭) :)

      刪除
    8. 冇錯。人生由揀學校揀科到搵工轉工結婚買樓賣樓...每一個決定都係賭,要保持決策的高成功率,唔可以單靠撞彩。

      刪除
    9. 我也有意將部分資產轉為實金實銀。。你覺得最少持貨多少能有機幾年後財務自由「我唔夠6年就5字頭」現在連樓也沒只有過千萬現金

      刪除
    10. 我第一個一千萬來之香港物業, 下一個一千萬睇來會來之深圳樓, 而再下一個一千萬會來之實金實銀的升值 !
      我實金實銀是流動資金的43%, 但只是全身家的8% :)

      刪除
    11. 想安心退休, 起碼要有一間已供完的樓, 而唔好行樓梯, 因為當你老時你會上落得辛苦, 例如我父母, 所以一定要未雨綢繆 !

      刪除
    12. 嘩,賭場大戶對話千萬富婆,唔好比佢停。等我地呢D散戶學下野。哈哈。

      刪除
    13. 我成副身家都未夠她一層樓。。買層700至800呎自住我已是一無所有。。最重要賭仔是連按揭也做不到只能一炮。,,,

      刪除
    14. 講完啦, 睇下來緊十年中唔中先 :)
      魔術師一定有見到我當年叫人買樓的, 不過好多人在駁咀, 乜小心負資產, 乜歪理, 乜樓支出大......
      說我扮勁, 最後我贏咗 XD !

      刪除
    15. 馬後炮講如2003年買層300萬的樓現已值1300萬。。但現在值1300萬的樓 10幾20年後又會否變回300萬? 現在沒樓拿著1000萬妳會建議他買樓嗎??

      刪除
    16. 樓價睇供求, 也睇銀紙在貶值 ! 97後香港人唔買樓, 但大陸人來買咗推高樓價 !
      我依家想買多間住宅俾仔女住, 一係等樓價跌, 一係等金銀價升 XD !

      刪除
    17. 財務自由最緊要識投胎

      刪除
    18. 好多人, 只見到人地的成就, 見唔到人地辛苦賺第一桶錢個時 !
      我21歲在荷蘭開雜貸店, 要抬要做粗重工作, 自己開車去入貨, 店內收銀收到手痛; 食午餐時都是左手拿著麵包食, 用右手收錢 ! 做咗16年因為太辛苦先賣咗俾人跟老公回流香港 !

      刪除
    19. 所以不嬲唔鍾意說自己有錢 !
      我已說出將來可以賺到錢的貼士, 睇你自己get 唔get到 !
      香港樓只可以買來自住, 想要再大升, 除非通脹都是大升 !

      刪除
    20. //最緊要識投胎
      成功需父幹?

      刪除
    21. //收銀收到手痛
      數錢都嫌辛苦?

      刪除
    22. 你試下一大籃的物品, 一件件用左手取出, 用右手在收銀機上打銀碼, 還要不停咁打幾個鐘, 最後得到網球手 !

      刪除
    23. 而家90後00後。。好彩既都有個父母送一兩層俾佢。。你話識投胎係咪贏在起跑線。。剛剛跟個月入幾千的30歲大陸人傾。。竟能在澳門輸了500萬。。原來輸了3層樓父母送的。。好彩的1生3宅原來可以1早甚至1出世就達成

      刪除
    24. 我都支持將部份錢轉買實金. 不是因為會升值, 而是現在的局勢非常微妙, 現在的繁榮太過虛浮, 什麼樓呀股票呀, 如果有什麼大動盪, 全部都會變垃圾. 這情況每一百幾十年會發生一次.
      所以這個行為是買保險, 不算投資.

      刪除
    25. //在澳門輸了500萬
      車,咁樣贏在起跑線有咩用,未有耐到終點就已經輸晒。

      刪除
    26. //買實金
      前人智慧係打仗時要買金,現在都算係打緊仗--經濟戰。

      刪除
    27. 睇LISA同BEYOND對答真係好正!有錢的人都不會說自己有錢,都是低調的,因為每一分一毫都係有血有汗辛辛苦苦搵反黎!!
      一個係落手落腳實事求事的小富戶, 一個係靠賭搵食的職業賭徒.
      LISA會比較貼近現實社會, 而BEYOND係一些比較小數不為人知的搵真銀人事, 很多人不認同賭.
      但其實賭博、投機同投資, 學池兄咁講, 係取決於心態同態度。

      90後 人生好難過,物價什麼都貴。人工又一般, 基本搭車食飯家用租屋都用盡了薪金。

      刪除
  4. 八隻字:講就凶狠,做就_ _

    回覆刪除
  5. 買股收息總有一日財自嘅......計數?唔知啊,希望在明天嘛,感覺舒服就好,最重要符合自己性格......

    回覆刪除
    回覆
    1. 呢度你最後生,講明天講希望肯你有條件贏大師們一條街。呵呵。

      刪除
  6. "實際上財演大師也不會、不敢行第一條路。"

    哈哈佢哋智商、財商及情商都偏低,自然冇能力做到。要靠收股息的話,惟有靠生多哋仔女孫兒吧XD

    回覆刪除
    回覆
    1. 哈哈。每代只能生一個,太多會攤薄。

      刪除
  7. 無計, 香港人口多, 地方細, 講買樓致富離地和不道德, 衝出香港,眼不見又唔放心;

    買債又唔識, 加上又唔係香港債, 唔知咩料, 以前就發生過雷曼事件, 於是又唔放心;

    創業唔使講, 風險大和有機會無糧出, 搞怕唔少人;

    咁就易入到香港人位既應該就係買他們所認識既股仔. 銀碼又唔大, 當然玩上上落落就無穩陣既感覺, 就只有從股息入位;

    所以說Supply源於Demand而已

    回覆刪除
    回覆
    1. 厲害厲害。塘人兄又係遠觀者清,寥寥幾語將問題根本講得通通透透。

      刪除
  8. 池兄的31年計算,應該係做咗continuous compounding(將時間無限斬細);如果只係計每12個月收一次息(6% in arrears),每12個月儲多5%,31年後每月儲$21,609.71,資產值為$9,899,466。如果將時間斬細,以月來計,每月收0.5%息, 每月儲多 5$/12=0.4167%,則在第369個月每月儲$22,998.47,總資產值達標$10.015,654。

    回覆刪除
    回覆
    1. 「數怪」師兄計得仲仔細過池某呢個「抺屎佬」。

      刪除
  9. 唓! 家下仲買高息股財自!? 梗係訓身買入"架直頭豬",升值又得(跑贏大市,一定係,除非唔係),收息又得,得咗!

    回覆刪除
  10. 大市值,有息派,等佢跟大市狂升時沽左佢。
    識沽就唔係死守。

    唔係人人投資觸角都咁高,買藍籌好過現金吧。

    所以,我教人追夢多過財自。
    鐘意做既事,自然做得好,現金流不成問題。

    回覆刪除
    回覆
    1. //教人追夢多過財自
      此之謂良心也。
      無良之人,才會以教搵錢之名行掠水之實。

      刪除
  11. 如果單純以收股息為增加財富的方法,真係好怪雞。

    其實池兄的計算已經假設了那隻股票每次除淨後都能“返回”原位,要搵隻一隻股票幾十年都達標都好難。

    阿基里斯都幾出名,我只係聽過(亦都傷過)阿基里斯腱,似乎古希臘人幾喜歡以佢配上故事。

    回覆刪除
    回覆
    1. 在古希臘神話中阿基里斯(Achilles)還是一位戰神,傳說他在一次作戰中被人用箭射中腳踝身亡,阿基里斯腱應是因此而來。
      阿基里斯追烏龜的故事是很出名的,歷代哲學家和數學家都很喜歡研究,哲學研究其詭辯,數學則認為這種無限分割思維是微積分的起源。
      而無限分割後令成功在望變成功敗垂成的戲劇效果也很為藝術家所喜愛,有日本導演就曾以「阿基里斯與龜」為題拍了一齣電影,也有大陸歌手出過一個以「龜與阿基里斯」為主題的專輯。

      刪除
    2. 長知識。我之前只知道腳踝的故事。池兄呢度真係多野學!

      刪除
    3. 池某呢度論道而不說教,敘事而不硬拗,blog友們帶來的知識更令池某大開眼界。

      刪除
  12. 年回報10%..16年後才有4.5倍的資產增值。。。到時我已是花甲之年。。。。如果今天仍定不到1套穩健回報的投資方案。。到時靠3000元全民退保過活不知有幾坎坷??

    回覆刪除
    回覆
    1. 放心啦,生於憂患,你有千萬流動資產還要為將來而憂,得幾十萬幾百萬的人點算?

      刪除
  13. 大獲!數數手指,小弟要24歲先畢到業(唔fail既情況下),遲左兩年起步,唔知又落後幾多,做人真係辛苦,為左得到盔甲而弄得滿身傷痕,最後都唔知值唔值得。

    回覆刪除
    回覆
    1. 哈哈。又一個杞人憂天,STEVEN兄個組合咁鬼勁,一早就贏在起跑線啦。

      刪除
    2. 個組合都未賣,太多變數啦。近排大升市,池兄獲利一定不少於我,我依D蚊型組合算得什麼:)

      刪除
    3. 大升市池某個組合表現不會有什麼驚喜,好在舊年以來個市起起落落如過山車,咁就更o岩玩。
      http://poolshunter.blogspot.hk/2016/08/vs.html

      刪除
    4. 上落市我都仲意,最好大上大落,如果唔係真係悶到發毛。

      刪除
    5. 嘻嘻。唔係悶唔悶的問題,係真係可以快速從市場泵到水入黎。

      刪除
  14. 點解宜家先系14/9/2016,但係遲鯉魚兄有啲嘅回覆系2016年9月14日 上午12:10???????系統有問題?
    我之前波馬股乜都輸,宜家乖乖打工,目前34歲....打牛工,人工大概40k,剛有一仔,希望安穩打工,養大個仔,可以嘅話生多個,最好系女,一家人,安穩,平淡,樂觀,快樂就好,偶爾去田園抓下魚仔,當然,錢無人會嫌多,不過自己確實無咁嘅天分,輸少當贏了,目前仲有一只股票,哎,蟹緊.....

    回覆刪除
    回覆
    1. 遠離波馬股靠打工收入累積8位數資產的例子其實很普遍,遲D可以寫下呢D成功個案。

      刪除
    2. 諗sir 就很多這類案例。。。我現年32歲月入只有60000 我太太28 月入40000...我們有一層市值700萬的樓還欠150萬就供完。,,

      刪除
    3. 有時覺得這類所謂案例(對雙方都是)更似一種炫耀。

      刪除
    4. 其實好多成功例子都不能夠再模仿, 很多時都是時勢做英雄. 早十年肯乖乖地買樓, 而家任何一間都賺幾百萬. 好叻咩? 我唔覺.

      其實靠波馬股發達的只佔好少數. 大多數都是損手離埸多.
      而靠他們賺大錢的, 眼見多數都不會日日諗日日睇.日日睇個班,
      以為自己係神, 日日可以搵到機會, 其實...機會有幾多呢.
      輸交易費,輸抽水都輸死啦.

      像我, 很少炒買股票, 近兩年買賣只是早兩個月脫歐時買HSBC HK$ 45買. 前兩日見到58-59就放左. 你問我個時點解會買? 因為我覺得脫歐好過唔脫. 仲要個日跌咁多, 有折打, 有咩理由唔買呢?

      但有幾個朋友好似世界末日咁..平時佢地講到好勁嫁, 又咩公式又咩理論, 唔識既咪以為好勁攞, 但認真去分析下, 佢地連加減乘除分子分母既概念都未搞清.

      我只能說...做好自己個JOB, 發展下自己既事業實際好多.

      刪除
    5. 上水河馬,你好你好,我個花名都系河馬,呵呵,你好

      刪除
    6. 河馬兄星期日有無心水?

      刪除
  15. 系呢度學到嘅,我覺得最大嘅系心態...

    回覆刪除
    回覆
    1. 呢度論道而不說教,池某更不好為人師,其實冇乜好學的。哈哈。

      刪除
  16. 點解唔見咗我嘅comment嘅?

    回覆刪除
  17. 通常能夠做到股息財自只有1個原因,就係本身有高收入,能夠源源不絕地買入股票而又唔怕蝕價,一般平民做唔到。

    回覆刪除
    回覆
    1. 但點解我成日都聽d 病態賭徒都係話賭錢最緊要心態。,,

      刪除
    2. //本身有高收入
      即係70後兄果種,努力工作達致財務自由而以股息維持財務自由。

      刪除
    3. //病態賭徒
      唔係卦,通常聽到病態賭徒只係話「最緊要有得賭」。

      刪除
    4. 病態賭徒輸清袋永遠賽後檢討就是心態唔好。。。一早贏左又唔走。。如果控制好心態次次贏幾千就無問題。。

      刪除
    5. 哈哈。賭徒果然係熟悉賭徒心理。

      刪除
    6. 輸既賭徒係對金錢沒有敬意

      賭博去到最後 會變成信仰

      刪除
  18. 睇完池兄計數,我等基層打工仔,要那麼困難,無風無浪兼要半世紀時間才能擁有一千萬,即時灰晒⋯⋯

    回覆刪除
    回覆
    1. 唔使咁灰,人工加多小小或者投資收益好小小就即刻唔同晒。

      刪除
    2. 向上游有好多方法, 增加知識, 繼續儲錢等時機 !

      刪除
  19. 呢個故事好正,一心只想收息的「投資者」應該要仔細看看...

    假設供了一支股票5年、10年後才回首檢視,發現股價下跌了或股息減派了,想要再回頭已經來不及了,恐怕只能再繼續迷失在「財自夢」之中,繼續無限加時下去。

    回覆刪除
    回覆
    1. 即係好似醉心兄篇「收息的不敗假設」所講咁,是但一個假設落空就一敗塗地、不堪回首了。

      刪除
  20. 近期在看house advantage莊家優勢, 十分有趣, 跟池兄觀點有一些相同的地方.

    回覆刪除
    回覆
    1. 而似乎波池因為個體戶眾多, 而因為很多人也有非理性的決策(如巴塞迷當然不會因為自己友傷晒主力, 而去賭對家win), 市場錯價的機會可能比股市更多. 個人感覺而已.

      刪除
    2. 概率計算只有對或錯,沒有觀點與角度問題,殊途同歸很正常。
      賭波的錯價較少,因為賭波彩池絕大多數都是fixed odds,係同莊家對賭,唔係個體散戶;賭馬就多數係Pari-mutuel彩池,直接同個體散戶對賭,所以靠賭馬搵食的集團很多,賭波就很難,除非自己做莊。

      刪除
    3. 原來是fixed odds!? 我還以為odds會跟隨個體散戶的資金流向而改變.... 從未賭過波的人果然什麼都不懂...

      刪除
    4. 所以賭波要賭孖膽,孖膽係Pari-mutuel:
      http://poolshunter.blogspot.hk/2016/06/90000.html

      刪除
    5. 池兄用緊的賽馬投注程式已經先進到自動對照臨場賠率,計算值搏後再因應注碼直接打進馬會彩池!一個制就可以完成晒全套動作?咁真係優勝過我等普通馬迷很多,很多⋯

      刪除
    6. 唓,勾即時賠率呢啲唔係咩先進技術,refresh馬會條link之嘛。落注果下仲係要靠人手。
      池某只係覺得方便左,並唔覺得有咩優勝,優勝與否都係在於expected odds計得準唔準。

      刪除
    7. 即是手動輸入馬號及注碼再按確定?咁有無程式可以做埋將注碼自動打進馬會彩池?如果有就真係可以等到出閘前一秒才落注,增加勝算!

      刪除
    8. 哈哈。就算有咁既程式其實都好難放心用,點可以未經自己過目就直接落注?
      在開跑前一分鐘左右先run一次,填好注碼後,等到差唔多入晒閘再run一次,通常只得三兩個注碼需要改,兩下手勢就可以改完落注。

      刪除
    9. 計獨贏得,計連贏我會唔夠時間。

      刪除
    10. 「如果有就真係可以等到出閘前一秒才落注,增加勝算!」
      試過三千萬三重彩, 我相信好多集團都寧願用人手打飛

      刪除
    11. 請教各位高手,
      一般情況下,一場賽事會投注多少匹獨贏?二至四匹還是會多達六七匹?

      刪除
    12. 冇定的,kelly calculator決定。

      刪除
    13. 今個賽日無雷神,啲飛可能去咗小妹度囉!

      刪除
    14. 係喎,差啲唔記得有潘頓!
      計咗第十場,都係巴基之星,新馬硬係覺得怪怪哋。

      刪除
    15. 又未至於,不過都要睇吓大眾買乜,可能買連贏比較好。

      刪除
    16. 可能唔少人都係咁諗。

      刪除
    17. 巴基之星係明星中的明星!聲勢拍得住精英大師!告東尼作風應會全力爭勝,但賠率可能跟加州再豫差不多,站在值搏立場,可能會選阿甘或瀟灑王子!
      題外話,剛剛在YouTube見到張國榮(新歌)mv,飛機師的風衣,對小弟這些70後突然有些感慨⋯

      刪除
    18. 有肉食就訓身,冇肉食就做觀眾。睇怕都係後者居多。

      刪除
    19. 全日只中1w2p 又輸多了。

      刪除
    20. 除左最熱果三場唔中。
      不過真正贏到錢的只有第四同第五場。

      刪除
    21. 一般馬迷會認為雷神停賽會羸錢機會會大過平時, 但我覺得以呢度各位師兄而言有雷神反而會因為其他馬經常出現超賠率而贏得更多

      刪除
    22. 池兄中7場w ...太強了

      刪除
    23. //雷神
      好難講,如果雷神只係吸晒投注額唔識贏就係,問題係佢勝出率太高了。

      刪除
    24. //中7場w
      唔強,池某一場買好多只,好多時中左都係得不償失。

      刪除
    25. 隻永常喜我都係計唔到,可能直路個檔真係有啲出入!

      刪除
    26. 隻人間尋夢真係一場遊戲一場夢!

      刪除
    27. Michael兄睇好人間尋夢?是否因為沒有把C及C+3欄1000米的外檔機會相對調低?

      刪除
    28. 池某呢場計到兄弟熊、人間尋夢、永常喜三只機率差唔多,不過前面兩只太熱,只有永常喜係正EV。

      刪除
    29. 我秤永常喜不太高,所以EV係負,返去望吓個model先!

      刪除
    30. 池某當日計的EO:
      http://poolshunter.blogspot.hk/2016/09/blog-post_20.html

      刪除
  21. 好彩盲摸摸入到來池兄呢嗰blog學玩孖膽,將我十幾年來鋪嘅草皮追返一大半,多謝池兄。

    FAI

    回覆刪除
    回覆
    1. 咁堅?應該唔關池某事卦,池某賭孖膽都冇贏過大錢,來來去去最多都係一萬幾千。

      刪除
    2. 全靠你教先學到基本概念,再加上符碌成份,今朝先中到有多寶嗰口孖膽。^^

      FAI

      刪除
    3. 恭喜恭喜。呢口池某唔中呀,證明係FAI兄自己功力深厚。

      刪除