2016年9月20日 星期二

越窮越見鬼

計數題:一場馬有A、B、C三匹馬上陣,經過計算馬A和馬B各有50%機會取勝,馬C完全沒有機會勝出。馬A、馬B和馬C的賠率分別是2倍、2倍和5倍,應該如何下注?

驟眼一望,expected value最高的一匹馬,是0.5*2-1=0,完全找不到值得下注的機會。唔信邪?用平時最常用、最可靠的工具Kelly calculator來計一次,結果也是0%、0%、0%。顯示這是一個沒有edge的賭局。


但對於beyond兄這種賭場常客兼大戶來說,應該一眼就能看出這個賭局是個絕佳的盈利機會。不錯,只要押注10000元馬A,再押注10000元馬B,就很大機會獲得1000元的純利,5%的回報率而極低風險。這1000元的利潤來自哪裡?馬會的回扣。

日前一眾馬迷高手在池某blog裡留言討論怎樣利用回扣制度贏錢,池某覺得回扣問題也正好與前文談及的最優化資本分配公式相符,可以作為後續討論再寫一寫。

一般馬迷平時用以計算注碼的Kelly公式,亦即Kelly calculator所用的公式是:
f = (r/e-1)/(r-1)
在這裡r是real odds,e是expected odds,即win probability的倒數。

這條公式其實是最優化資本分配公式的簡化版,當涉及到回扣問題就不適用了,要回到原版找答案。

原版的最優化資本分配公式是:
f = p/a – q/b
其中,f是投入資本的最佳比例,p是盈利的機會率,即p=1/e;q是虧損的機會率,即q=1-p;a是虧損幅度;b是淨盈利率,即b=r-1。

若沒有回扣,就是a=1,這時
f=p–q/b
 =(p*b-1+p)/b
 =((r-1)/e-1+1/e))/(r-1)
 = (r/e-1)/(r-1)
就是Kelly calculator所用的公式。

若有回扣,就是a=0.9,如前文如說,一個賭局的注碼分配,很受a的變化影響。這時
f=p/0.9–q/b
 =(p*b-0.9*(1-p))/(0.9*b)
 =(p*(b+0.9)-0.9)/(0.9*b)
 =((r-0.1)/e-0.9)/(0.9*(r-1))
應投入的注碼明顯跟Kelly calculator的結果不一樣了。

以大家今天討論的“永常喜”那場為例,以池某當日得出的expected odds作基準,為了充分利用回扣,假設以100萬本金和1個Kelly來計算。

沒有回扣的注碼分配是這樣的:


有回扣的注碼分配是這樣的:


即使同樣都已把回扣計算在內,兩者的差距還是很明顯,同樣是“永常喜”勝出,有回扣版盈利要多8萬元;若是跑第二的“超越時空”勝出,有回扣版只是多輸6萬元;若是跑第三的“飛躍成功”勝出,冇回扣版要輸錢,有回扣版卻能贏錢。

故此賭馬是一個越有錢越著數,越窮越見鬼的遊戲。但賭馬也好,其他投資也好,真正的窮並非金錢上的窮,而是人窮而志窮,對固有的方法、工具和對別人的依賴形成習慣,變成心窮、智窮,以致真正的機會來到前面,也會“鬼掩眼”,反應不過來、把握不住。

179 則留言:

  1. 靠回扣有一個難題, 就係響冷馬下大注結果變成格仔黨, 實會有跟風飛, 所以timing好重要

    回覆刪除
    回覆
    1. 單靠回扣贏錢好難行得通,但回扣制度確是令大戶整體處於有利位置。

      刪除
    2. 10%對於大戶黎講, 直頭係送錢

      刪除
    3. 大部分我買了的馬也會在開跑後才變成啡綠格。。如早知變成這賠率我是不會下注的。。所以我覺得能賺足那10%已極好了。。

      刪除
    4. 就係因為有你呢D大戶先有咁多啡綠架,你都係始作俑者冇得怪人啦。哈哈。

      刪除
    5. 剛買了3號w ...入閘最後一秒看著是10倍的。。但跑完看最後賠率是7.1...怎麼大家都不約而同最後1秒下。。。

      刪除
    6. 2場買了9號。。5.9 變3.5....所以我說就算有10%回扣都幾難有肉食

      刪除
    7. expected odds係根本,回扣只係輔助。

      刪除
    8. 但實際賠率經常在下注後變成低於expected odd ..4場9號已好彩見得到勁落飛臨門取消了慳番

      刪除
  2. timing重要之餘仲要有運,隻京京千里一出一入,啲賠率又唔同晒。

    回覆刪除
  3. 呢個sem會讀categorical data analysis,入面有MLR,遲d有咩唔明要請教下池兄。

    回覆刪除
    回覆
    1. 你咁近城隍廟,梗係去搵顧教授啦。

      刪除
    2. 到時Wanderer真係可以開班,我地排隊報名,學費任開。

      刪除
    3. 哈哈我都等Wanderer弟開班=)

      對某些賭仔,輸開會好似有條路咁,要重拾信心並不太容易呢~

      刪除
    4. 真係有條路咁就好咯,即刻買對家。

      刪除
  4. 回扣是否即下注如超過1萬元,馬會會退回10%給你? (無論中或不中)

    黎巴嫩

    回覆刪除
    回覆
    1. 不中退10%;中就按賠率派彩,不會再退10%。

      刪除
  5. 賭馬完全不明白. 但感覺上是在說遊戲規則的設計可令參與者take advantage, 有點似股市中的special situation investing, 有時突然出現一些新遊戲法則, (私有化, 分拆, 供股, 賣殼), 可令參與者take advantage

    回覆刪除
    回覆
    1. 有些相似。賭馬這個遊戲更似是同一間商店同一件貨品不同價錢,一次買夠某個數額就打九折,所以有錢人比窮人玩這個遊戲著數很多。

      刪除
  6. 我同池兄都好似,係隻14唔似,哈哈。

    回覆刪除
    回覆
    1. 哈哈。咁就寧願其他唔似淨係隻14似咯。

      刪除
    2. 明日一場我第一隻計到3。

      刪除
    3. 頭先隻4一浸飛打到2倍幾,會唔會係「辱胡飛」?呵呵。

      刪除
    4. 請教池兄咩叫「辱胡飛」?

      刪除
    5. 請教兩大高手,第一場2號還是9號機高?

      刪除
    6. 9號。唔知michael兄同唔同呢?

      刪除
    7. 池兄經常可以計算出熱門馬不值搏而死火!相信如果能在「另類市場」把其沽空!一定收獲甚豐⋯

      刪除
    8. 池某淨係幫趁馬會咋,冇幫趁非法「另類市場」架。
      實際上係熱門馬勝出率極高,搞到池某經常死火。

      刪除
    9. 這場我只買了志友運wp.

      刪除
    10. 池兄講開馬會回扣,因為有回扣「另類市場」應運而生,馬會投注額屢創新高,「它」是功不可沒!也直接分薄了不少像池兄一樣精於計數的高手⋯

      刪除
    11. //志友運
      睇圖就知我都有買。

      刪除
    12. //直接分薄了
      所有遊戲都有其遊戲規則。池某唔算高手,贏唔到或贏得少都係技不如人,唔可以賴被遊戲規則分薄。

      刪除
    13. 池兄應該也有玩回扣。。無回扣都能高回報就真正計得精準的高手才可

      刪除
    14. 問題係冇可能做到每一只都食到回扣,實際情況比起最後一張圖仲要複雜小小。

      刪除
    15. 其實只值買幾千的我會唔買。。

      刪除
    16. 池兄:哦!胡森
      東亞兄:2號啊

      刪除
    17. //冇可能做到每一只都食到回扣

      實際上可以咁做, 不過以池兄的買法就唔係每一隻都可以食足10%

      刪除
    18. 隻2號打咗浸飛落去,又要諗吓買唔買好。

      刪除
    19. 陣間6/7會落飛, 應該會抵銷左2落飛影響

      刪除
    20. 一場3,6應會大幅落飛

      刪除
    21. 回家途中落唔切注.... 隻馬狀元嗰$10落唔到...

      刪除
    22. 買唔到第一次,全晚計輸。
      八場Q標返個尾會,輸少啲!

      刪除
    23. 今晚真係靠晒第一場,另外兩場雖然有錢收但都係得不償失。

      刪除
    24. 我中間都係有錢收但輸錢,可惜。

      刪除
    25. 我有場拖到最後1分鐘結果截左飛。。個場收少30萬。。結果全日贏變輸

      刪除
    26. 池兄和Michael兄都計到第一場馬狀元?厲害!!!此馬場場都輸得遠又初跑此路程!請問為何有落注的理由?

      刪除
    27. 並唔係計到呢隻最有機會贏,只係賠率冷得過份,顯示有正EV而已。

      刪除
    28. 池兄,有咩主要因素而搏冷呢?因為上季曾勝此班,評分有利?

      刪除
    29. 唔係架。program賭馬唔係睇一兩個因素架,亦唔會因為唔睇好一隻馬而唔買。
      比如run完一大輪計到一隻馬有3%機會贏,算係唔睇好了,如果賠率30倍,就唔買;如果賠率50倍,即係有正EV,就算唔睇好都要買。

      刪除
    30. 明白!例如會計埋騎練,檔位,負磅等等⋯種種因素!真係複雜兼深奧!贏家不易做⋯

      刪除
    31. 池某反而最難搞係一D需要人手去跟的資料,比如晨操、試閘之類。就係因為懶得搞呢D,池某個model點都計唔到京京千里、大龍騰、風采呢D馬值咁熱。

      刪除
    32. 要攞呢啲data人力物力都唔少!

      刪除
  7. 見到我個名嚇一跳。。我只係跟池兄學玩左兩個月馬仔。。由細到大其實最怕計數。。只係好彩信權威多過信自己。。。有幸遇上高人指點。。。不過20年前我買過一本pchome竟有一文是說買馬必勝法。。教人用賭纜負追方式買一個騎師。。所以唔識分財演同真高人亂信人一樣死得轟裂

    回覆刪除
    回覆
    1. //用賭纜負追方式買一個騎師
      池某在大約十年前見過先人表演,結果真係好慘烈。

      刪除
    2. 記得十多年前有位很出名的馬評家都曾教人賭纜,追買大熱,佢話13場馬必有1場跑出大熱,逢輸加注,真係唔知有無人跟佢咁賭⋯

      刪除
    3. 叫得大熱馬三四倍係入場門檻,十三場先中一場,計數都覺得唔對路啦!

      刪除
    4. 「米田共」法,絕對會輸死人,池某寫過:
      http://poolshunter.blogspot.hk/2016/03/blog-post_15.html

      刪除
  8. 勝出機率真係有得計? (弱問一個, 我老豆就係賭左咁多年都做善事0既阿伯)

    回覆刪除
    回覆
    1. 有架。好似財演幫股票估值咁o者。準唔準係另一回事。

      刪除
    2. 原來係咁...
      馬評人變左評級機構, 但估錯機會同一般人一樣...

      咁咪人人DATA 唔同?

      刪除
    3. 係方法唔同,model唔同,對data的使用唔同...

      刪除
  9. 德II 派千四文呢場池兄計到幾多呢?呢場我計到二百注外,但係咁多人中,覺得自己的計算方法有改善空間。

    回覆刪除
    回覆
    1. 呵。在絕大部份情況下,全場1:1/1:1呢個結果即使計到排很前,池某也是不會下注的,最多補一個波膽過關2x1,1注頂16注。
      因為全場1:1波膽通常都是最熱門的組合,賠率最低,看著全場波膽倒推的人一定會買呢注,所以每次開出1:1/1:1組合派彩一定極低。池某也將之視為錯價的一種,機率低而派彩低,就讓別人中吧。

      刪除
    2. 有時我會手痕去CHECK 下開出的半全場波膽賠率,的確會發生Double HaFu 彩池派得比4X1過關少的情況。然而,事前可以推測出該注會有多大機會發生這事嗎?

      刪除
    3. 有幾個常見的賽果大致可以估到,例如全場0:0/0:0和1:1/1:1。
      兩場完全相同pattern的結果也會令派彩偏少,例如0:0#1:0/0:0#1:0等等。

      刪除
    4. 岩岩做BACKTEST見到10/8個場,回報同直接4X1 差10賠!

      刪除
  10. 賽果正路,TeamKill兄扒冷?

    回覆刪除
    回覆
    1. 係賽果正路,派彩唔正路。

      刪除
    2. M:賽果正路,我之前係唔明點解會咁多人中/分咁少。呢場係少數做backtest 會負回報的場次(定義為:每注派彩-10*第幾注中)

      刪除
    3. 如果不是有別人那麼多冤枉錢砸在機率低回報低的組合,大家平時怎可能有機會取得超常規回報呢?
      做backtest負回報場次少就對了,證明這種傻錢一直存在,而發生的機率不高。

      刪除
  11. 請問邊度可以睇到香港賽馬係外圍既賠率?

    回覆刪除
    回覆
    1. 池某不幫趁外圍也不參考外圍。神經漢兄或者知道。

      刪除
    2. 有幾間, 其中一間是365
      其實在google用keywords找, 很容易找到

      刪除
  12. 多謝池兄指點,另外關於外地馬:你是用馬會提供的初盤賠率作EO ,而且無根據直播時臨開跑前評述員講的即時賠率作UPDATE。(據法國馬推測,因為用上最後提供的賠率應不會大勝)想問點解會咁處理,不是兩邊(EO,RO)越UPDATE越好[定義為長期回報更高]嗎?

    回覆刪除
    回覆
    1. 初盤是以最初資料制訂的賠率, 後來的賠率會受到下注情況影響

      刪除
    2. 攞返當地賠率就會大勝,唔使計都知All in邊隻。

      刪除
    3. //越UPDATE越好?
      理論上,賠率越update越能反映即時資訊,比如天氣、場地、形勢出現的重大變化。從另一個角度看,臨場賠率是公眾「買」出來的,如英國脫歐公投的賠率一樣,反映的是公眾眼光,而非莊家的判斷。如果是選擇信莊家,當然是初盤賠率更能代表莊家眼光。

      刪除
  13. 睇嚟今日四場唔賭好過賭!

    回覆刪除
    回覆
    1. 言之尚早啦,或者到時賠率有返肉食。

      刪除
    2. 買了4 wp ...賠率大縮水仲要無影。。池兄有無貼呢隻

      刪除
    3. 計到最大機會係7號,冇癮。

      刪除
    4. 好彩夠時間計多次...

      刪除
  14. 捉到麟轉乾坤 賭左5場 暫時回報5%左加 用0.5KELLY

    回覆刪除
    回覆
    1. 呢隻池某只係計到平手。
      隻添好運被搶劫,13倍買跑完得5.6倍。

      刪除
    2. 重注左萬事欣,比雷神搞死。

      刪除
    3. 全日只中一場p ...收回扣都收了95000.....

      刪除
    4. 池兄今日應該幾好成績⋯

      刪除
    5. 萬事欣贏到就好...

      刪除
    6. 池兄Michael兄,是否中了添好運那場也要輸錢?整場計要輸幾多個巴先?

      刪除
    7. 呢場還有少少利潤,再熱D就真係得不償失了。

      刪除
    8. 池兄都很睇好添好運機會!另外想請教池兄對位置彩池點睇?好似甚少提及⋯

      刪除
    9. 位置池兄有提及過, 不過位置計算方法比獨贏複雜

      刪除
    10. 添好運嗰場有微利,但昨日全日計要輸。

      刪除
    11. //位置彩池
      前面有篇文章討論過,池某計唔掂條數。

      刪除
  15. 恕小弟懶惰, 如果各位高手能夠提供最近兩至三季的資事資料, 可否留下聯絡方法等小弟詢問?

    回覆刪除
    回覆
    1. 哪方面的資料?馬會可查到兩季,蘋果馬經可查很多季。

      刪除
    2. 即是每場賽果果頁, 雖然用vba已經快左少少但有部分工序都仲係要人手copy, 因為未識點樣叫vba由網頁自己搵番D資料

      刪除
    3. 池某的做法係copy蘋果馬經再用VBA提取,好快。Match馬名又方便,馬會賽績馬名黏住個烙號,比較煩。

      刪除
    4. 我是用烙號做mapping key的。

      刪除
    5. 烙號好像不是unique的呢

      刪除
    6. 在馬會資料庫上烙號是unique的, 過往的烙號是加了多一個英文字頭作識別

      刪除
    7. 睇N季資料的話馬名肯定唔係unique。

      刪除
  16. 你好池兄,在下精算出身,睇馬超過十年,又睇左你個BLOG好耐,獲益良多,亦嘗試緊用MLR黎計馬匹勝出機率,有幾個問題請教

    1. 你覺得應該將賠率擺落MODEL度嗎? 因為賠率係反映勝出機率好有用的因素,但係如果擺左入去馬會賠率跌,我EXPECTED ODD又會跟住跌,係咪失去左計賠率當初的原意呢?

    2. 你覺得應該將每個路程分開MODEL嗎? 因我發覺很多因素,例如檔位,步速形勢等因素都係根據路程而會有唔同影響力,但又有些因素如騎師,練馬師應唔關路程事,應如何MODEL?

    回覆刪除
    回覆
    1. 1.呢條問題係池某見過所有馬迷blog友中問得最實際最有point的問題。答案係:擺!至於直接擺好些還是另外砌多個model好些,池某現在還答唔到。
      2.池某覺得唔分效果會好些,分了之後每個sample size會好細,很難作準。

      刪除
    2. 謝池兄答覆,還有幾樣野想問

      池兄覺得用幾耐的資料最好呢,太少驚唔驚大SAMPLE SIZE,太多就驚舊的資料已經唔能夠反映現在的情況

      還有R SQUARED值越高係咪代表MODEL越準? 還有其他EVALUATION的方法嗎?

      刪除
    3. 池某也不知道用幾耐的資料為之最好,池某是用最近三季資料的。
      R^2值越高係代表MODEL越準。另一個EVALUATION方法係你贏的錢越多代表你的MODEL越準。呵呵。

      刪除
    4. 回番池兄的回覆,如果唔分開的話,應是要將檔位,步速等受路程影響的因素調節過才放進MLR MODEL裏吧
      我現在就有將賠率放進MODEL裏,但常常遇到的難題就是,如果一隻馬有其他利好的因素,無論佢係2倍定99倍,佢都係值搏,雖然KELLY CRITERION定的投注金額會根據賠率而改變(越熱越買得多),但感覺總是怪怪的

      刪除
    5. 池某的經驗是用越raw的data效果越好,不要把主觀的複合因素加在一個factor之中,寧願獨立地拆成多個factors。

      刪除
    6. 我都有諗過放個賠率入去,買WIN我估我都仲夠時間,但計埋個Q我就會唔夠時間!

      刪除
    7. 謝池兄,講到FACTOR方面,唔知池兄的MODEL係CONTINOUS的FACTOR較多還是DISCRETE的FACTOR較多,我自己就好多都係DISCRETE,因感覺賽馬很多因素都難用CONTINUOUS的方式表達,但DISCRETE一刀切1/0又驚太粗糙,唔知池兄點睇

      刪除
    8. 嘩!呢條問題又問到肉。discrete factor多。

      刪除
    9. 但DISCRETE又感覺太粗造,如林地重磅馬不利,但如果介定重磅馬? 如將林地負130磅或以上作為一DISCRETE的FACTOR,難道負129磅的馬一點影響都無?始終都要有條界線,十分苦惱

      刪除
    10. 負磅我是continuous的,但好地淋地我個model就計到佢insignificant,我都唔知點解!

      刪除
    11. 一刀切太粗糙就切多幾刀。

      刪除
    12. MICHAEL兄,其實只係打個例子,並不是真係林地重磅馬不利,但泥地一哩/千八跑濕泥重磅馬的確不利,算係答謝大家的分享
      謝池兄的解答,我會朝住呢個方向改善個MODEL

      刪除
    13. 大家會晤會用discrete處理騎或練?定係用勝出率?

      刪除
    14. 鹹魚青菜各有口味
      大家會晤會用場地好似谷草,田泥勝出或上名率,定係一個率走天涯?

      刪除
    15. 騎師分別唔大,練馬師有分別。

      刪除
  17. 如果當MODEL只有賠率一個FACTOR,R SQURAE值係0.1的話,池兄覺得能成功獲利的MLR MODEL R SQUARE值要幾多至夠?

    回覆刪除
    回覆
    1. 咁樣好難答...如果同現時的real odds比較,計出來的expected odds的R^2值恐怕要大過0.2才能贏到錢。

      刪除
    2. 小弟的諗法係咁的,其實我們賽前永遠不能知道最後賠率,所以BUILD MODEL的時候我會用5分鐘前賠率來MODEL

      如只5分鐘前賠率來MODEL的R SQUARE係A, 最後賠率來MODEL的R SQUARE係B, 我發現B永遠都大過A,反映閘前飛數係好有力的因素,但問題只係我地無可能睇哂所有閘前飛才落注

      所以MODEL的R^2值起點係A,如果將佢提升到B,即個MODEL已經可同其他投注者打成平手,但面對馬會18%的抽水,仍然係會輸錢,所以要盡力提升R^2到高過B好多,先可以係理論上穩定咁贏錢

      但實際上MODEL BUILD得再準,都只係能夠應用係過去,未來仍然係充滿UNCERTAINTY,一季800場馬話多唔多,話少唔少,並唔係無限,大數法測係無限的SAMPLE SIZE先應用到,否則都係一個機率,幾場馬影贏影輸已經會影響利潤,所以要做到池兄的成績真係談何容易

      刪除
    3. 所以個model本身至少要能與賠率分庭抗禮,如果完全被賠率dominated左,就很難戰勝賠率。

      刪除
    4. 言下之意係MODEL的R SQUARE 起碼要係賠率的R SQUARE的DOUBLE?

      刪除
    5. 應是不包括賠率的model,r^2要與賠率接近。

      刪除
  18. 池兄,雖然理論上越準的MODEL會贏越多錢,但我覺得未必,好多時加得越多FACTOR,反而BACKTEST的時候輸得越多,唔知你點睇

    回覆刪除
    回覆
    1. 如果都是significant factors,backtest效果應該會好好,越多越好。

      刪除
    2. 池兄,我係用10至15的資料做MLR,再用15至16資料用KELLY試賭,但有時會出現情況係,MODEL越準(R SQUARE越高),但試賭輸得越多,因有時10至15季度有用的資料,到15至16的時候,可能運氣問題,變成無用,甚至係利好因素變成燈馬因素,導致呢個情況,唔知池兄覺得可以點改善?

      刪除
    3. 而且有時我覺得KELLY系統太唔人性化,例如贏十場輸一場埋單都可以輸錢,因個一場可能PRICE D賠率PRICE到錯哂,KELLY一次過賭左八成本金,結果就將之前十場的盈餘一次過輸哂,唔知池兄會唔會調整一下KELLY運算的結果先真賭?

      刪除
    4. 之前係咪食左個COMMENT? 我係用10至15的資料做MLR,然後用15至16的資料用KELLY試賭,但有時10至15有用的FACTOR係15至16變得無用,導致有時MODEL越準,反而輸得越多,真金白銀賭就出事了

      刪除
    5. 真正significant的factor,應該隨著data的加加減減仍能保持相對穩定,否則就變成賭random了。
      理論上Kelly系統是要趨於無限才有效,現實操作中無論如何都不可能做無限次,所以一般不會直接用1個Kelly,只會用0.5甚至0.2或0.1。

      刪除
    6. 還有一個關於KELLY系統的問題,KELLY對於少少值搏的熱門馬會買好多,反而冷門馬就算十分值搏,都只係買少少,但係現實上冷門馬值搏的機會不是比熱門馬更大嗎?

      刪除
    7. 這也是平衡了風險,畢竟冷門輸的機會也較大。

      刪除
  19. 測試一個FACTOR的SIGNIFICANCE,應是看FACTOR係MLR MODEL的P VALUE, 越低的話越有效,或者STANDARD ERROR越低越有效,但如何測試一個FACTOR的穩定性?池兄有心得嗎?


    我就遇過一個FACTOR,係田草一千米排1至5檔的快馬(14隻馬出足),在過去五季(10至15)也幾百隻馬只有5匹贏過,係極有效的負面因素,但上季(15至16)幾十隻內檔快馬,竟然又有5隻贏到,爭咁遠點解決呢,定還是過去唔可能預測未來

    回覆刪除
    回覆
    1. 池某會睇Analysis of Maximum Likelihood Estimates的結果,主要睇Chi-Square同Pr > ChiSq呢兩項,如果隨著data的加加減減變化好大,即係唔穩定。

      刪除
    2. //係田草一千米排1至5檔的快馬(14隻馬出足),在過去五季(10至15)也幾百隻馬只有5匹贏過,係極有效的負面因素,但上季(15至16)幾十隻內檔快馬,竟然又有5隻贏到,爭咁遠點解決呢,定還是過去唔可能預測未來

      因為上季開始直路賽閘箱放置方法有改過

      刪除
    3. //因為上季開始直路賽閘箱放置方法有改過

      有大影響?

      刪除
  20. 池兄,你右手面個latest comment side bar 好似出了問題,唔識update?

    回覆刪除
    回覆
    1. 係喎。改下條link先。

      刪除
    2. 冇辦法了。搞一搞郁一郁,唔識自動feed。

      刪除
    3. 唔OK。唔識自動更新。

      刪除
  21. 今日有外國馬 就以第1場為例 外國參考賠率同實際賠率有D差好遠

    回覆刪除
    回覆
    1. 係喎,。池兄。。剛才日本第1場。。。如看馬會排名個參考賠率。。。相差竟然達6至7倍也有。。係咪真係有參考價值

      刪除
    2. 今日我直接用日本當地賠率算
      目前輸緊少少

      刪除
    3. 有D外國參考係2倍 香港有差唔多10倍

      刪除
    4. 暫時賭4場 捉到隻樂不可支 而家4中1 都仲有盈利

      刪除
    5. 多謝提醒。池某行緊街,手忙腳亂都照執隻樂不可支。

      刪除
    6. 賭完6場打個和

      刪除
    7. 果然日本仔估賠率都係準過香港人
      0.5 Kelly 買Q 賺20%

      刪除
    8. 人地local馬,好正常。

      刪除
    9. <>個作者有質疑過香港人計日本馬比local準架
      http://room1702.com/chi/p1b.asp?NewsID=N000001

      刪除
    10. *《計得精彩》
      個blog 食左我個括號tim

      刪除
    11. 我場場買幾隻先中1場。。。輸到扒係度。。你地中了那幾隻可唔洗輸。。。

      刪除
    12. 海外馬好似冇回扣,你呢個大户冇乜優勢。

      刪除
    13. 係無回扣。。。但參考當地賠率又場場好多隻都好大優勢。。第1場仲有些2倍至4倍。。。有6至10幾倍咁誇張,。

      刪除
    14. 睇返馬會個參考賠率幾場泥地好唔正常,有啲抽水率超過四成,唔似係大莊開的賠率。

      刪除
    15. 兩場法國馬的參考賠率只係抽百分之十幾。

      刪除
  22. 我剩係中一隻樂不可支 打和算好彩

    回覆刪除
  23. 池兄 永常喜那一場不怕跑出熱門那兩隻嗎 跑出了會不會很久追不回盈利?

    回覆刪除
    回覆
    1. 這是經常遇到的事,所以kelly比例不能太大,也不能把勝負希望寄托在一兩場馬。一年有780幾場馬,在大數法則下可行才是關鍵。

      刪除
    2. 但780場馬係唔係一個大數呢? 我有D懷疑

      刪除
  24. 請問池兄Model R square Test有多少?

    回覆刪除
    回覆
    1. 轉用馬會即時賠率XML之後沒有再做R^2 test了,因為有時唔記得copy低個EO,馬會一更新左條link就計唔返。
      如果用更新參數後的1 step model來做,結果肯定是好到爆的,但無謂自欺欺人。

      刪除